Jeremías 13:10 - Qullan Arunaka DC

¹⁰ Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.

Aymar Bibliia 1986

¹⁰ Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.

Qullan Arunaca

¹⁰ Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.

Jeremías 13:10 Jak'a apnaqawi uñst'ayäwi

Salmos 78:8

nayra pachan jakir awkinakapjam jan sarnaqapxañapataki, qallasir t'axmar jaqir jan tukupxañapataki, pächasir chuyman jaqir jan tukupxañapataki, Diosat saraqtir jaqir jan tukupxañapataki.

Eclesiastés 11:9

Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.

Isaías 3:24

“Jerusalén markankir warminaka, jichhürux suma q'apkir qullampi q'aphichatäpxtawa, qharürusti axtañ q'aphinakjamaw q'apipxäta; jichhürux suma wak'anakampi wak't'atäpxtawa, qharürusti wiskanakampi wak't'atakïpxätawa; jichhürux suma isinakampi isthapitäpxtawa, qharürusti thantha isinakamp isthapitakïxapxätawa; jichhürux jiwa uñnaqt'anïpxtawa, qharürusti ajanumax t'irikamakïniwa; jichhürux ñik'utamas ukkha sum k'anthapt'asitäpxtawa, qharürusti jan ñik'utaniw uñjasipxätaxa.”

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 11:18

Tatitux kuna jan walinaktix uñisirinakaxax amtapkäna ukanakat yatiyitu. Jupaw nayan amuyasiñaxatak nayranakaxsa uñatatayarakitu.

Jeremías 13:7

Nayasti Éufrates jawirar sarasin uka wak'a kawkharutix imantkäyäta ukkhat apsuniwayta, ukampis uka wak'ax q'ala ñusantatänwa, janiw kunatakis walïkxänti.

Jeremías 16:12

Jumanakasti uka nayra awkinakamat sipansa juk'ampi jan walïpxtawa, sapa maynis chuymapan jan wali amtatanakaparukiw arki, janirakiw nayarux ist'kituti.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 23:17

Arunakaxar jisk'achirinakarusti sapxarakiwa: ‘Taqi kunas walikïskaniwa’ sasa. Chuymanakapan jan wali amtatanakaparuk arkapki ukanakarusti sapxarakiwa: ‘Janiw kuna jan walis jutkätamti’ ” sasa.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 44:16

—Janiw nanakax ist'apkäti Tatitun sutiparu yatiyapkista uka arunakamaru.

Jeremías 44:5

Ukampis jumanakax janiw nayarux ist'apkistati, arunakaxarus jaysapkaraktati. Uka ñanqha luräwinak apanukuñat sipansa, juk'ampikiw uka diosanakarux inciensonak luqtasipxtaxa.

Jeremías 5:23

Jumanakax qhuru jan ist'asir chuymanïpxtawa, nayar apanukuwayasaw sarxapxaraktaxa.

Jeremías 7:13

Nayasti mayamp mayampi jumanakar ñanqha luratanakamat iwxapxsma, ukampis jumanakax janiw nayar ist'apkistati, janirakiw jaysapkistasa. Naya, Tatituw uk arsta.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 9:13

13 (12) Tatitusti ukxarux siwa: “Israelitanakan taqi yatichäwinakax apanukupxatapata, nayar jan ist'apxatapata, yatichäwinakaxarjam jan sarnaqapxatapat taqi akanakax ukham lurasiski.

Jeremías 9:14

14 (13) Chuymanakapan jan wali amtatanakaparuw arkapxäna, ukatsti k'ari diosanakaruw yupaychapxarakïna, kunjämtix awkinakapax yatichkatayna ukhama.

Jeremías 9:6

6 (5) janirakiw kun yatiqañsa munapkiti. Tatitusti siwa: “¡Nuwasiñat nuwasiñaru, k'arisiñat k'arisiñaru, ukakiw utjaski! Markaxax janiw uñt'añ munkituti.

Números 14:11

Tatitusti Moisesarux sänwa: —¿Kunapachkamarak aka markasti nayar jisk'achaskakitanisti? ¿Kunapachkamarak nayat pächasisipkakini, jupanak taypin walja muspharkañanak lurkipansa?

Hechos 7:51

Estebanasti parlañ janïr tukuykasax, saskakïnwa: “Jumanakax qala chuymani, jan ist'asir jaqinakäpxapuntawa. Jumanakax Qullan Ajayutakix sayt'asipxapuntawa. Kunjamäkäntix nayra awkinakamax ukhamäpxaraktawa.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.