Éxodo 16:28 - Qullan Arunaka DC

²⁸ Ukat Tatitux Moisesar säna: —¿Kunapachkamas jumanakax kamachi arunakaxampiru, yatichäwinakaxampir jan ist'apkäta?

Aymar Bibliia 1986

²⁸ Tatitusti Moisesarojj sascaquïnwa: —¿Cunapachcamasa, camachi arunacajjaru, ni yatichäwinacajjarus jan ist'apquitäta?

Qullan Arunaca

²⁸ Tatitusti Moisesarojj sascaquïnwa: —¿Cunapachcamasa, camachi arunacajjaru, ni yatichäwinacajjarus jan ist'apquitäta?

Éxodo 16:28 Jak'a apnaqawi uñst'ayäwi

2 Reyes 17:14

Ukampis jupanakax janiw ist'añ munapkänti, jan ukasti nayra awkinakapjamarakiw Tatit Diosapar jan iyawsas chuymanakap qalarayasipxäna;

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

Salmos 106:13

Ukampis mäkiw Diosan luräwinakap armasipxäna, janiw amtäwinakap uñt'añatak suyapkänti.

Salmos 78:10

janiw Diosamp arust'äwi luratanakap yäqapkänti, janirakiw yatichäwinakaparus jaysañ munapkänti.

Salmos 78:22

Janiw jupanakax Diosar taqi chuymamp alkatapkänti, janirakiw yanapaparus iyawsapkänti.

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 16:27

Moisesan siskatpachasa, paqallqüri urun yaqhipanakax t'ant'a apthapisirix mistusipkakïnwa, ukampis janiw kuns jikxatapkänti.

Éxodo 16:29

Amuyapxam, naya, Tatituw samarañ uru churapxsma; ukat nayax suxtïr urunxa, payürutak manq'añ churapxsma. Ukhamasti paqallqüri urunxa, sapa mayni utapan qhiparpan, jan khitis utapat mistpati —sasa.

Isaías 7:13

Isaías profetasti sarakïnwa: “David reyin utapankirinaka, ist'apxam. ¿Jumanakatakix janit kunäkisa jaqinakar majañaxa, Tatiturus ukham majañ munapxarakta ukasti?

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Jeremías 9:6

6 (5) janirakiw kun yatiqañsa munapkiti. Tatitusti siwa: “¡Nuwasiñat nuwasiñaru, k'arisiñat k'arisiñaru, ukakiw utjaski! Markaxax janiw uñt'añ munkituti.

Ezequiel 20:13

Ukampis jupanakax wasar tuqin nayatakiw sayt'asxapxi, jupanakar churata kamachinakarus janiw jaysapkiti; janirakiw sábado urunsa nayarux yupaychapkituti, jupanakasti uka kamachinakar phuqhasax jakañ katuqapxasapäna. Ukat nayax jupanakxaru q'apisiñaxa samarasiñ amtäyäta, pachpa wasaran tukjañataki,

Ezequiel 20:16

Jupanakasti kamachinakaxar ist'añ lantxa, apanukupxiwa; sábado urun nayar yupaychañ lantsti, yaqha diosanakaruw yupaychapxi.

Ezequiel 5:6

Ukampis Jerusalén markax nayan kamachi arunakaxatakiw sayt'asi, ukatsti jupa jak'ankir markanakat sipan juk'ampi jan waliw tukuraki, kamachi arunakaxarus janiw ist'kiti, janiw arkkarakisa.

Números 14:11

Tatitusti Moisesarux sänwa: —¿Kunapachkamarak aka markasti nayar jisk'achaskakitanisti? ¿Kunapachkamarak nayat pächasisipkakini, jupanak taypin walja muspharkañanak lurkipansa?

Números 20:12

Ukampis Tatitux Moisesampiru, Aaronampirux sänwa: —Janiw jumanakax nayar iyawsapkistati, janirakiw israelitanakan nayraqatapansa jach'añchapkistati, ukat aka jaqinakamp chikax, churkä uka uraqirux janiw mantapkätati —sasa.

Marcos 9:19

Jesusasti jupanakarux sänwa: —¡Jan iyawsañan jaqinaka! ¿Kunapachkamas jumanakampikïskäxa? ¿Kunapachkamas jumanakax ch'am tukuyapxitäta? Irptanipxam uka waynaru —sasa.