Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!
Apocalipsis 13:4 - Qullan Arunaka DC Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa. Aymar Bibliia 1986 Dragonarusti yupaychapjjaraquïnwa uca jach'a ajjsarcañ animalaru munañanïña churatapata. Uca animalarus yupaychapjjaraquïnwa: “¿Qhitirac aca jach'a ajjsarcañ animaljamasti utjisti? ¿Qhitiraqui jupampisti nuwasiraquispasti?” sasa. Qullan Arunaca Dragonarusti yupaychapjjaraquïnwa uca jach'a ajjsarcañ animalaru munañanïña churatapata. Uca animalarus yupaychapjjaraquïnwa: “¿Qhitirac aca jach'a ajjsarcañ animaljamasti utjisti? ¿Qhitiraqui jupampisti nuwasiraquispasti?” sasa. |
Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!
Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.
markachirinakapasti jach'a tansa jaqinakawa, Anac sat jach'a tansa jaqin saraqirinakapjama, jumanakasti aka säwi yatxapxtawa: ‘¿Khitirak Anac jach'a tansa jaqin wawanakapar saykataspasti?’ sasa.
Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.
Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.
Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.
Ukatsti yaqha jach'a axsarkañ animalar uraqit mistusinkir uñjarakta. Ukasti pä waxranïnwa, waxranakapasti urqu ovejan waxranakapar uñtatänwa, parlapasti dragonan parlapjamänwa.
Aka payïr jach'a axsarkañ animalasti munañanïñ kankañ katuqäna, nayrïr jach'a axsarkañ animalar uñtasit lursutar jakañ churañapataki, ukhamat ukan parlañapataki, uka lursutar jan yupaychirinakarusti jiwarayañapataki.
Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.
Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.
Uka markan nakhatapat jiwq'i mistur uñjasasti, jach'at art'apxarakïna: “¡Janipuniw Babilonia markjam wali ch'amanix utjkänti!” sasa.
Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.
Israelitanakasti uka chachar uñjasax wal axsarapxäna, jupan nayraqatapsti jaltxapxarakïnwa,