Apocalipsis 13:2 - Qullan Arunaka DC

² Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.

Aymar Bibliia 1986

² Uñjcta uca ajjsarcañ animalasti mä tigrer uñtatänwa, cayunacapasti oso sat animalan cayunacapjama, lacapasti leonan lacapjamaraqui. Dragonasti juparojj ch'amapa churaraquïna, uqhamarac tronopsa, wali munañanïñampi.

Qullan Arunaca

² Uñjcta uca ajjsarcañ animalasti mä tigrer uñtatänwa, cayunacapasti oso sat animalan cayunacapjama, lacapasti leonan lacapjamaraqui. Dragonasti juparojj ch'amapa churaraquïna, uqhamarac tronopsa, wali munañanïñampi.

Apocalipsis 13:2 Jak'a apnaqawi uñst'ayäwi

2 Reyes 2:24

Eliseosti kutikipstasin jupanakar uñkatäna, ukatsti Tatitun sutipxaruw jupanakar ñanqhachäna. Ukspachaw pä jukumarix ch'umit mistunïna, ukatsti jupanakat pusi tunka payaniruw jisk'a jisk'a tukjäna.

Salmos 22:21

21 (22) leonanakan lakapat qhispiyita, ¡urqu vacanakan waxranakapat tuwaqt'ita!

Proverbios 17:12

Jan amuyt'ani ñanqha amtäwini jaqimp jikthaptañat sipansa, qallunakap aparat qhuru osamp jikthaptañaw juk'amp walïspa.

Proverbios 28:15

Jan wal apnaqir mä qhuru jilïrix, wararir leonar uñtatawa, pist'añan sarnaqir markar t'aqhisiyas apnaqi.

Isaías 5:29

Soldadonakasti nuwasiñatakiw art'asipxi; leonanakjamaw wararipxi, mä kunsa katjasin manq'antañatak jayar qatatipki ukhama, janirakiw khitis uka katutap aparkaspati.

Jeremías 13:23

Mä ch'iyar jaqix janiw janq'u jaqir tukkaspati, janirakiw leopardos allqap mayjt'aykaspati; ukhamarakipï jumanakasa, ñanqha lurañar yatintatäxasinxa, janirakiw askinak lurapkasmati.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Amós 3:12

Tatitux akham siwa: “Kunjämatix awatirix leonan lakapat pä chhuchhulliksa, jan ukax mä chikat jinchuksa aparasixa, ukhamaw Samaria markan jakir israelitanakat juk'aniki qhispipxani, Damasco markat apanit suma qunuñan qunt'asipki ukanakaxa.”

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Habacuc 1:8

Caballonakapasti leopardo sata laq'unakat sipansa juk'amp jalirinakawa, wasarankir manq'at awtjat qamaqinakat sipansa juk'amp qhurüpxarakiwa. Caballxat jalirinakapasti jach'a tamar tukusaw jalapxi, uñisirinakapar katurpayañatakiw tutukxatapxi, kunjämatix pakax katjañatak thuqxatki ukhama.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Apocalipsis 12:13

Uka dragonasti uraqir jaqunukuta uñjasxasinxa, yuqall wawa wawachaskän uka warmiruw arknaqañ qalltäna.

Apocalipsis 12:15

Uka dragonasti lakapat walja uma mistuyäna, mä jawirar uñtata, warmir uka jawirampi apayañataki;

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:12

Nayrïr jach'a axsarkañ animaljam munañanirakikïnwa, jupan nayraqatapana. Aka uraqin utjirinakarusti uka nayrïr jach'a axsarkañ animalar yupaychapxañapatakiw wayt'äna, jach'a chhuxripat waliptkataynas ukaru.

Apocalipsis 13:4

Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.

Apocalipsis 16:10

Phisqïr angelasti uka jach'a axsarkañ animalan reyi qunuñapxaruw qirup warxatäna, uka marka apnaqäwipasti ch'amakan chhaqtataw uñjasïna. Jaqinakasti t'aqhisiñat laxranakap t'urjasipxäna;

Apocalipsis 17:12

“Tunka waxranak uñjktas ukax, tunka reyinakawa, jupanakasti janïraw reyit utt'atäpkiti, ukampis mä juk'atakikiw reyi kankañ katuqapxani, uka jach'a axsarkañ animalamp chika.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.

Apocalipsis 20:2

Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.