Éxodo 15:11 - Qullan Arunaka DC

¹¹ Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Aymar Bibliia 1986

¹¹ Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Qullan Arunaca

¹¹ Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 15:11 Jak'a apnaqawi uñst'ayäwi

2 Samuel 7:22

¡Kunja jach'ätas jumax Tatituxay! Nanak pachpaw yatiqapxta, janiw khitis jumjamax utjkiti, janiw yaqha diosas jumat sipan utjkiti.

1 Reyes 8:23

“Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

1 Crónicas 16:25

Tatitux taqi ch'amaniwa, yupaychatäñapax wakisipuniwa, ¡taqi diosanakat sipansa wali axsarkayawa!

2 Crónicas 2:5

5 (4) Ukampis kawkïr uttix luraykä ukax jach'äñapawa, nanakan Diosaxan taqi diosanakat sipan juk'amp jach'ätap layku.

2 Crónicas 6:14

jach'at säna: “Israelan Tatit Diosapa, janiw jumjamax alaxpachansa, akapachansa utjkiti, jumax arsutamarux phuqtawa, jumar taqi chuymampi luqtirirux khuyapt'ayastawa;

Salmos 113:5

Janiw khitis Tatit Diosasjamäkiti, jupax wali alayan reyi qunuñapxan qunt'atawa;

Salmos 119:120

Janchixax nayraqataman axsarañat khathati; ¡kamachi arunakam laykuw chuymax alt'ayta!

Salmos 136:4

Jach'a muspharkañanak luririru, munasiñapax wiñayawa.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 22:23

23 (24) Tatitur alkatirinaka, ¡Diosaruy jach'ar aptapxam! ¡Jacobun wawanakapa, juparuy jach'añchapxam! ¡Israelan wawanakapa, juparuy yupaychapxam!

Salmos 35:10

Taqpach chuymaxampiw arsü: “Tatay, ¿khitirak jumjam utjisti? Jila ch'aman jaqinakan amparapata, jan yäqat jaqirux qhispiytaxa, ch'ama apjir jaqita jan kunan jaqirux qhispiytaxa.”

Salmos 60:2

2 (4) Uraqirux khathatiytawa, q'awanak jist'artaytaxa; ¡jichhax uka q'awanak jist'antxam, niya alliranttañampïskiwa!

Salmos 66:5

Diosan luratanakap uñjir jutapxam, jaqin askipatak muspharkay luräwinakap uñjapxam:

Salmos 77:11

11 (12) Nayra pachan Tatitun muspharkañ luratanakapat amtasï;

Salmos 77:14

14 (15) ¡Jumaw muspharkañanak lurir Diosätaxa! ¡Jumaw markanakar ch'amam uñacht'aytaxa!

Salmos 77:19

19 (20) Jumax lamar qutan thakhi jist'arastaxa, walja umanak taypinjam makhattaxa, ukampis janiw khitis takt'atam jikxatkänti.

Salmos 86:10

Juma sapakiw jach'a Diosätaxa; muspharkañanak lurtaxa.

Salmos 86:8

¡Tatay, janiw khiti diosas jumjamax utjkiti! ¡Janirakiw luratanakamjamax utjkiti!

Salmos 89:18

18 (19) ¡Jiwasanakan arxatirisax Tatituwa! ¡Reyisasti Israel markan Qullanapawa!

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Éxodo 18:11

Tatitux jumanakar ukataq t'aqhisiñat qhispiyapxtam egipcionakan jach'a jach'a tukuñampi apnaqatäñata. ¡Jichhax yattwa, Israelan Diosapax taqi diosanakat sipansa wali ch'amaniwa! —sasa.

Éxodo 20:3

“Janiw jumax nayat sipan yaqha diosanak uchasïtati.

Éxodo 3:20

Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Éxodo 8:10

10 (6) Faraonasti sänwa: —Qharürpacha —sasa. Moisesasti sarakïnwa: —Mayitamarjamaw phuqhasini, ukhamat yatïta Israelan Tatit Diosapjamax yaqha diosan jan utjatapa.

Éxodo 8:6

6 (2) Aaronasti Egipto uraqin utjir umanakxaruw thujrup aytäna, ukatsti k'ayra jamp'atunakax uka umanakat mistsunisax Egipto markpacharuw phuqhantäna.

Éxodo 9:14

jichha kutix taqi mutuyäwinakax apayanï, jumataki, yanapirinakamataki, taqi jaqinakamataki, ukhamat yatïta jani yaqhax nayjam aka uraqpachan utjatapa.

Isaías 30:11

Tatiturux jan ist'apxamti, chiqa thakhitsti maysar saranukupxam, janirak Israelan Qullan Diosapatsa parlapxamti” sasa.

Isaías 40:18

¿Khitimpirak Tatiturusti kikipayapxasmasti? ¿Kuna k'ari diosampirak jupar uñtasiyapxasmasti?

Isaías 40:25

Qullana Tatitusti jiskt'iwa: “¿Khitimpis jumanakax uñtasiyapxitäta? ¿Khitirak naya kipkarakïspasti?”

Isaías 46:9

kunanakatix nayratpach luraskän ukanak amtasipxam. Nayakïtwa Diosaxa, janiw yaqhax utjkiti, nayätwa Diosaxa, janirakiw khitis naya kikipax utjkiti.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 6:3

Maynit maynikamaw jach'at arsupxäna: “Qullana, Qullana, Qullanawa taqi ch'amani Tatituxa; taqi aka uraqisti jupan jach'a kankañapampi phuqhantatawa” sasa.

Jeremías 10:16

¡Ukatsipana, kunja jach'as Israelan Diosapaxa, jupaw taqi kunatix utjki ukanaksa utt'ayi! Juparakiw Israelarux jupatak ajllisi; Taqi Ch'aman Tatitu, ukaw sutipaxa.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Levítico 19:2

“Israelitanakarux akham sarakim: “Jumanakasti qullanäpxam, naya Tatit Diosamax qullanätwa.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Lucas 12:5

Ukampis khitirutix axsarapxañamäki uk sapxäma: khititix jakañ apaqasax infiernor jaquntañatak ch'amanïki uka Diosar axsarapxam. Jïsa, jupar axsarapxam.

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Deuteronomio 33:26

Tukuyañatakisti Moisesax sänwa: “Israelitanaka, janiw yaqha Diosax utjkiti, jumanakan Diosamjamaxa Diosax alaxpachan reyipawa, jumar yanapirix jutapuniniwa.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Apocalipsis 13:4

Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

1 Samuel 2:2

¡Tatay, jumjam qullanax janiw khitis utjkiti! ¡Nanakan Awkixa, jumjam arxatirix janiw khitis utjkiti! ¡Jumat juk'ampix janiw khitis utjkiti!