1 Samuel 17:24 - Qullan Arunaka DC

²⁴ Israelitanakasti uka chachar uñjasax wal axsarapxäna, jupan nayraqatapsti jaltxapxarakïnwa,

Aymar Bibliia 1986

²⁴ Israelitanacasti uca chacha uñjasajja wali ajjsarapjjäna, jupan nayräjjapatsti imantasjjapjjaraquïnwa,

Qullan Arunaca

²⁴ Israelitanacasti uca chacha uñjasajja wali ajjsarapjjäna, jupan nayräjjapatsti imantasjjapjjaraquïnwa,

1 Samuel 17:24 Jak'a apnaqawi uñst'ayäwi

Isaías 30:17

Mä sapa jaqin axsarayatakiw waranqanakax jaltxapxani; ¡taqi jumanakasti phisqanin axsarayatakiw jaltxapxäta! Taqi ukanak ukham lurasitapatxa, jumanakat juk'anikiw ukan qhiparxapxäta, kunjämatix mä lawax qullu patan jikxataski ukhama, jan ukax qullu patan mä chimpükaspas ukhama.

Isaías 7:2

Ukapachaw Ahaz reyiru, utapankirinakaparux aka yatiyäwi yatiyapxäna: “Siria jaqinakax alayankkis uka israelitanakampiw mayacht'asxi” sasa. Uk ist'asasti, reyisa, taqi jaqinakasa, axsarañat wal khathatipxäna, kunjämatix quqanakan laphinakapax thayan thayt'anitax wal khathatkix ukhama.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Números 13:33

Jach'a tansa jaqinak uñjanipxarakta, Anac chachan wawanakaparu. Nanakasti jupanak thiyanxa, t'iju t'ijunakar uñtatakiw uñjasipxta, jupanakas ukham uñjapxarakitu —sasa.

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!

1 Samuel 17:11

Saúl reyimpi israelita jaqinakampix uka arunak ist'asax ch'ama jiwt'ayasipxäna, ukatsti wal axsarayasipxäna.

1 Samuel 17:23

Jilanakapampi parlañkamax Gat markankiri nuwt'asiri Goliat filisteo jaqix filisteonak taypit mistunisax israelitanakarux arnaqasinkakïnwa, kunjämatix pasïri urunakan arnaqkatayna ukhama. Davidasti uk ist'äna.

1 Samuel 17:25

ukatsti sapxarakïnwa: “¿Uka chachar mistunir uñjapxtati? ¡Israel markar axsarayiriw jutarakiki! Reyisti uka jaqir atipt'irirux qamir yänak churani, phuchhapsa warmipatakiw churani, wila masinakapas janirakiw qullqi churkaniti” sasa.