Apocalipsis 12:4 - Qullan Arunaka DC

⁴ Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.

Aymar Bibliia 1986

⁴ Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Qullan Arunaca

⁴ Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Apocalipsis 12:4 Jak'a apnaqawi uñst'ayäwi

Éxodo 1:16

—Hebrea warminakar usuyapkät ukkhax wal amuyapxäta, uka wawax imillati jan ukax yuqallacha uka. Uka wawatix imill wawäni ukkhax jakaskpan, yuqall wawäni ukkhasti, ukspach ¡jiwayapxam! —sasa.

Isaías 27:1

Israel markan uñisirinakapax lamar qutan axsarkañ laq'ur uñtatäpxiwa, katarinakjamaw uksar aksar q'iwinaqtapxi, ukampis Tatituw jach'a ch'aman espadap ayxarusini, ukampiw q'al jiwarayani.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Apocalipsis 12:7

Ukatsti mä jach'a nuwasiñaw alaxpachan utjäna: Arcángel Miguelasti angelanakapampi sayt'asisin uka dragonampiw nuwasïna. Dragonampi angelanakapampisti sayt'asipxarakïnwa,

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:2

Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.

Apocalipsis 13:4

Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.

Apocalipsis 16:13

Ukatsti uñjaraktwa dragonan lakapatsa, uka jach'a axsarkañ animalan lakapatsa, uka k'ari profetan lakapatsa, kimsa ñanqha ajayunak mistusinkiri k'ayranakar uñtata.

Apocalipsis 17:18

Uñjktas uka warmix, uka jach'a markawa, reyipasti aka uraqin utjir taqi reyinakaruw apnaqi” sasa.

Apocalipsis 20:2

Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.

Apocalipsis 8:10

Ukxarusti kimsïr angelarakiw trompetap phust'äna, ukatsti mä jach'a warawaraw alaxpachat jalaqtanïna, nina wiyar uñtat nakhaskiri, ukasti niya chikatan chikatap jawiranakxaru, uma jalsunakxaruw jalxattäna.

Apocalipsis 8:11

Uka warawarasti K'allk'u satänwa; umanakasti niya chikatan chikatapaw k'allk'u tukuwayxäna, walja jaqinakarakiw jiwarapxäna uman wali k'allk'ütap layku.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.

Apocalipsis 8:8

Ukxarusti payïr angelaw trompetap phust'äna, ukatsti nina nakhaskir jach'a qullükaspas ukar uñtataw jach'a qutar liwintatarakïna, jach'a qutasti niya chikatan chikatapaw wilar tukxäna.

Apocalipsis 8:9

Qutan jakir taqpach laq'unakat niya chikatan chikatapaw jiwaräna, barconakatsa niya chikatan chikatapaw t'unjat uñjasïna.

Apocalipsis 9:10

Wich'inkhanakapasti, alacranan mich'ini wich'inkhapjamänwa, ukampisti ch'amanirakïnwa jaqir phisqa phaxsi t'aqhisiyañataki.

Apocalipsis 9:19

Uka caballonakan ch'amapasti lakampina, wich'inkhampinkänwa; wich'inkhanakapax katarinakar uñtatänwa, p'iqinakapampiw jaqinakar usuchjapxäna.