Números 33:1 - Qullan Arunaca Aca chekanacanwa israelitanacajj saräwipan sayt'apjjäna, cunapachatejj Egiptot mistunipcäna ejercitopampi formt'ata ucqhajja, Moisesampi, Aaronampi irpata. Aymar Bibliia 1986 Aca chekanacanwa israelitanacajj saräwipan sayt'apjjäna, cunapachatejj Egiptot mistunipcäna ejercitopampi formt'ata ucqhajja, Moisesampi, Aaronampi irpata. Qullan Arunaka DC Israelitanakax Egipto uraqit mistunipkän ukapachax, mä ejercitor uñtataw tam tama siqicht'at sarantapxäna, Moisesampi Aaronampi irpata. |
Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.
Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.
Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.
Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.
Acanacasti Aarón, uqhamarac Moisés pachpawa, jupanacaruw Tatitojj jawsäna israelitanaca Egiptot apsupjjañapataqui, mä jach'a ejercitor uñtata.
Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.
Moisesasti kellkänwa take cawqha chekanacarutejj puripjjäna ucanacan sutinacapjja, cunjämatejj Tatitojj siscatayna uqhamarjama. Take aca chekanacanwa kheparapjjäna mistunipcataynas ucanacampi chica.
Ucatsti nayajj Moisesampiru, Aaronampiruw qhitta, Egipton jakenacaparojj cunayman azot'inacwa churaracta, cunapachatï jumanacar uca marcat irpsunipcsma ucqhajja.
Cunapachatejj Jacobojj wawanacapampi Egipto marcar sarjjäna ucapachajja, egipcio jakenacajj jupanacarojj t'akhesiyapjjänwa. Ucatsti jumanacan nayra awquinacamajj Tatituruw arnakasipjjäna, jupasti qhitaniraquïnwa Moisesaru, Aaronampiru, ucat jupanacajj nayra awquinacamarojj Egiptotjja apsunjjapjjänwa, aca orakeruw utjantasjjapjjaraquïna.