Miqueas 6:4 - Qullan Arunaca

⁴ Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Aymar Bibliia 1986

⁴ Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Qullan Arunaka DC

⁴ Nayaw Egipto markat irpsunsma, t'aqhisiñat qhispiyanisa; nayaw Moisesaru, Aaronaru, Mariarus khithanta, jumar irpsuniñapatakiw khithanta.

Miqueas 6:4 Jak'a apnaqawi uñst'ayäwi

2 Samuel 7:23

Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

Salmos 77:20

Marcamarojj ovej tamar uñtat irpäyätajja, Moisesampin Aaronampin amparap toke.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 3:10

Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Éxodo 4:10

Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.

Éxodo 4:16

Jumasti, nayas parlquirista uca lantiw Aarón jilamarojj parläta, ucat jupawa cuntejj parlcäta ucjja marcaru parlascani.

Éxodo 6:27

Aarón, uqhamarac Moisés pachparaquiw Egiptonquir faraón reyir parlapjjaraquïna israelitanaca uca marcat apsunjjañapataqui.

Jeremías 32:21

Israel marcamarusti jumaraquiw Egipto marcat jach'a ch'amamampi apsuntajja, milagronac lurasa, uqhamaraqui uñacht'äwinac uñacht'ayasa, takenirusa ajjsarañampi phokhantasaraqui.

Amós 2:10

Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Números 12:1

Mariampi Aaronampejj Moisés contraw parlapjjäna jupan mä etiope warmimpi casarasitapata.

Números 33:1

Aca chekanacanwa israelitanacajj saräwipan sayt'apjjäna, cunapachatejj Egiptot mistunipcäna ejercitopampi formt'ata ucqhajja, Moisesampi, Aaronampi irpata.

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 24:18

Jan armasipjjamti jumanacan Egipto marcan esclavöpjjatama, ucatsti Tatitu Diosamaw uca chekatjja khespiyanipjjtam, ucatwa ewjjapjjsma take ucanac phokhañanacamataqui.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 5:6

‘Nayätwa juman Tatitu Diosamajja, nayaraquiw Egipto marcatsa irpsuniracsma, cawqhantejj esclavot sirviscäyät ucana.

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.

Deuteronomio 9:26

Ucatsti Diosarojj mayïyätwa: ‘Dios Tata, jan jumajj aca marcamaru t'unjamti, jumaw jach'a cancañampi khespiyasta uqhamaraqui jach'a ch'amamampi Egipto marcatsa irpsunta.

1 Samuel 12:6

Ucjjarusti Samuelojj marcarojj saraquïnwa: —Tatitojj Moisés, uqhamarac Aarón tokew Egiptot jumanacan awquinacamarojj apsunïna.