Éxodo 12:51 - Qullan Arunaca

⁵¹ Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Aymar Bibliia 1986

⁵¹ Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Qullan Arunaka DC

⁵¹ Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 12:51 Jak'a apnaqawi uñst'ayäwi

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

1 Reyes 6:1

Salomonajj Israel marcaru pusi mara apnakcäna ucqhawa Tatitun templopa lurayaña kalltäna, Ziv uca phajjsina, ucasti marana payïri phajjsïqui ucawa, cunapachatï pusi pataca quimsakallko tuncani mara pasjjäna israelitanacan Egipto marcat mistunjjatapata.

2 Crónicas 14:12

Ucatsti Tatitojj Asarusa, Judá marcarusa atipjayänwa etiopenacjjarojja, ucatsti jupanacajj jaltjjapjjänwa.

Salmos 114:1

Israel marcajj Egipto marcat mistuncän ucapachajja, jaken marcapat mistunjjäna,

Salmos 136:11

Israel marcanquirinacar Egiptot irpsuniriru: qhuyapayasiñapajj wiñayawa.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:50

Take israelitanacajj lurapjjänwa cunjämtejj Tatitojj Moisesampir, Aaronampirojj siscäna uqhamarjama.

Éxodo 13:1

Tatitusti Moisesarojj parlänwa aqham sasa:

Éxodo 16:1

Take israelitanacajj Elim chekat mistuwayasinjja Sin sat wasararuw puripjjäna, acasti Elim, uqhamarac Sinaí uca pä kollunac taypinquiwa. Cunapachatejj Egiptot mistuwayapcäna uca uruta payïr phajjsinjja tunca pheskan uruw sarakjjäna.

Éxodo 19:1

Israelitanacajj, Egiptot mistuwayapcäna ucat quimsa phajjsitsti Sinaí wasararuw puripjjäna.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 6:26

Acanacasti Aarón, uqhamarac Moisés pachpawa, jupanacaruw Tatitojj jawsäna israelitanaca Egiptot apsupjjañapataqui, mä jach'a ejercitor uñtata.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Levítico 23:43

uqhamata take wawanacamajj yatipjjañapataqui nayajj cunapachatejj israelitanacaru Egiptot apsuncta ucapachajj chhujllanacan jacayatajjäraqui. Nayätwa jumanacan Tatitu Diosamajja.”

Amós 2:10

Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Miqueas 6:4

Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Números 23:22

Diosaw jupanacarojj Egipto marcat irpsuni, búfalo sat animaljam ch'amaniw tucupjje.

Números 26:4

takenin kellkayasipjjañapataqui, pä tunca maranit amstaru cunjämatejj Tatitojj Moisesaru siscatayna uqhamarjama. Take acanacänwa cawquïri israelitanacatejj Egiptot mistunipcatayna ucanacajja:

Números 33:1

Aca chekanacanwa israelitanacajj saräwipan sayt'apjjäna, cunapachatejj Egiptot mistunipcäna ejercitopampi formt'ata ucqhajja, Moisesampi, Aaronampi irpata.

Hechos 13:17

Israel marcan Diosapajj jiwasan nayra awquinacasaruw ajllïna. Jupanacarusti mä jach'a marcaruraquiw tucuyi, cunapachatejj jupanacajj qhuri Egipto marcancapjjäna ucqhajja. Uca oraketjja ch'amapampiraquipï apsunejja.

Deuteronomio 16:1

“Cunapachatejj Abib sat phajjsejj purinini ucqhajj, jumanacajj Pascua fiesta lurapjjäta Tatitu Diosamar jach'añchasa; Tatitu Diosamajj uca phajjsinwa mä aruma Egipto marcat irpsuntam uca laycu.

Deuteronomio 4:37

Juparaquiwa nayra awquinacamarojj munäna, ucatsti wawanacaparuw ajlliraquïna, Egipto marcat jach'a ch'amapampi khespiyanisa.

Josué 24:5

Ucatsti nayajj Moisesampiru, Aaronampiruw qhitta, Egipton jakenacaparojj cunayman azot'inacwa churaracta, cunapachatï jumanacar uca marcat irpsunipcsma ucqhajja.

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.