Éxodo 12:51 - Qullan Arunaka DC

⁵¹ Ukürpachaw Tatitux Egipto uraqit israelitanakarux mä ejercitor uñtat irpsunïna.

Aymar Bibliia 1986

⁵¹ Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Qullan Arunaca

⁵¹ Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 12:51 Jak'a apnaqawi uñst'ayäwi

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

1 Reyes 6:1

Salomonax Israel markar pusi mara apnaqkän ukkhaw Tatitun utap lurañ qalltäna, Ziv sata payïr phaxsina. Israelitanakan Egipto markat mistunitapax pusi patak kimsaqallqu tunkan maräxäna ukapacha.

2 Crónicas 14:12

12 (11) Tatitusti Asá reyina, Judá markan nayraqatapan etiope jaqinakarux tukjäna, uka jaqinakasti jaltxapxänwa.

Salmos 114:1

Israel markax Egipto markat mistunkän ukapacha, uka yaqha markat mistunkän ukapachaxa,

Salmos 136:11

Israelitanakar Egiptot irpsuniriru, munasiñapax wiñayawa;

Éxodo 12:41

ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Éxodo 12:50

Israelitanakasti kunjämtix Tatitux Moisesampiru, Aaronampiru siskatayna ukhamarjamaw taqi lurapxäna.

Éxodo 13:1

Tatitusti Moisesaruw parläna akham sasa:

Éxodo 16:1

Israelitanakax Elim chiqat mistuwayasin Sin sat wasararuw puripxäna, uka wasarasti Elim, Sinaí uka pä chiqanak taypinkiwa. Ukürkamasti Egiptot mistunipxatapax phaxsi chikatanixänwa.

Éxodo 19:1

Israelitanakax Egipto uraqit mistuwayapkän uka urutxa kimsa phaxsi saraqataruw Sinaí wasarar puripxäna.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 6:26

Jupanakaw Aaronampi, Moisesampixa, jupanakaruw Tatitux jawsäna Egipto markat israelitanakar mä jach'a ejercitor uñtat irpsunipxañapataki.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 7:4

Faraonasti janiw jumanakarux ist'añ munapkätamti, ukampis nayaw ch'amaxa Egipto markar uñacht'ayä, ukatsti jach'a muspharkañ chiqa luräwinak uñacht'ayasaw israelita ejército markaxarux Egiptot irpsunï.

Levítico 23:43

ukhamat taqi wawanakamax yatipxani kunapachatix israelitanakar Egiptot irpsunkäyäta ukapachax nayax chhujllanakan jupanakar jakayäyäta. Nayätwa jumanakan Tatit Diosamaxa.”

Amós 2:10

Nayaw jumanakarux Egipto markat irpsunipxsma, pusi tunka maraw wasaran irpnaqapxsma amorreonakan uraqipsa jumanakaruw churapxsma.

Miqueas 6:4

Nayaw Egipto markat irpsunsma, t'aqhisiñat qhispiyanisa; nayaw Moisesaru, Aaronaru, Mariarus khithanta, jumar irpsuniñapatakiw khithanta.

Números 23:22

Tatituw markaparux Egiptot qhispiyani, búfalo animalan ch'amapat sipan wali ch'amampi.

Números 26:4

taqinin qillqayasipxañapataki, pä tunka maranit amstaru, Tatitux Moisesar siskatayna ukhamarjama. Egiptot mistunipkatayna, ukatsti qillqantatäpkän taqi uka israelita jaqinakax akanakänwa:

Números 33:1

Israelitanakax Egipto uraqit mistunipkän ukapachax, mä ejercitor uñtataw tam tama siqicht'at sarantapxäna, Moisesampi Aaronampi irpata.

Hechos 13:17

Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.

Deuteronomio 16:1

Moisesasti markar saskakïnwa: “Abib sat phaxsix purinkani ukkhaxa, jumanakax Pascua uruyapxäta Tatit Diosamar jach'añchasa; uka phaxsin Tatit Diosamax mä aruma Egipto uraqit jumanakar irpsunipxatam layku.

Deuteronomio 4:37

Jupaw nayra awkinakamarux munäna, ukatsti wawanakaparuw ajllirakïna, Egipto markat jach'a ch'amapamp qhispiyanisa.

Josué 24:5

Ukatsti nayax Moisesampiru, Aaronampiruw khitta, egipcionakarusti jan walt'añampiw mutuyta, jumanakar uka uraqit irpsuniñkama.

Judas 1:5

Jumanakax niy yatipxtawa, uksti amtayañ munapxsma, Tatitux Egiptot Israel markapar irpsunkäna ukkhasti, khitinakatix jupanak taypit jan iyawsapkän ukanakarux tukjänwa.