Josué 24:5 - Qullan Arunaca

⁵ Ucatsti nayajj Moisesampiru, Aaronampiruw qhitta, Egipton jakenacaparojj cunayman azot'inacwa churaracta, cunapachatï jumanacar uca marcat irpsunipcsma ucqhajja.

Aymar Bibliia 1986

⁵ Ucatsti nayajj Moisesampiru, Aaronampiruw qhitta, Egipton jakenacaparojj cunayman azot'inacwa churaracta, cunapachatï jumanacar uca marcat irpsunipcsma ucqhajja.

Qullan Arunaka DC

⁵ Ukatsti nayax Moisesampiru, Aaronampiruw khitta, egipcionakarusti jan walt'añampiw mutuyta, jumanakar uka uraqit irpsuniñkama.

Josué 24:5 Jak'a apnaqawi uñst'ayäwi

Salmos 105:43

Diosajj ajllit marcaparojj cusisit irpsunïna, cusisiñat arnakt'asisaw mistunjjapjjäna.

Salmos 136:10

Egipto orakenquirinacan tayna yokall wawanacapar jiwarayirir yuspagarapjjam: qhuyapayasiñapajj wiñayawa.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 3:10

Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Éxodo 6:27

Aarón, uqhamarac Moisés pachparaquiw Egiptonquir faraón reyir parlapjjaraquïna israelitanaca uca marcat apsunjjañapataqui.

Josué 24:6

Cunapachatejj jumanacan awquinacamajj Egipto marcat mistunipjjän ucqhajj, egipcio jakenacajj khepapatwa arctanipjjäna, nuwasiñ carronacata, caballonacata Mar Rojo kotacama.