Lucas 9:11 - Qullan Arunaca Jakesti uc yatisinjja, arcapjjänwa; Jesusasti jupanacarojj catokaraquïnwa, Diosan reinopat yaticharaquïna, uqhamarac usutanacarus c'umaraptayaraquïna. Aymar Bibliia 1986 Jakesti uc yatisinjja, arcapjjänwa; Jesusasti jupanacarojj catokaraquïnwa, Diosan reinopat yaticharaquïna, uqhamarac usutanacarus c'umaraptayaraquïna. Qullan Arunaka DC Jaqinakasti uk yatisin Jesusaruw arkapxäna; Jesusasti jupanakarux katuqarakïnwa, Diosan qhapaq markapat yatichäna, usutanakarus k'umaraptayarakïna. |
“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,
Cunapachatejj Jesusajj ucanac yatjjän ucqhajja, sarawayjjänwa uca marcatjja, walja jakenacaraquiw juparojj arcapjjäna. Jesusasti take usutanacaruraquiw c'umaraptayäna.
Botet mistusinsti Jesusajj uñjänwa walja jakenacan ucancatapa. Jupasti uca jakenac uñjasinjja qhuyapt'ayasïnwa, ucatwa usutanacarus kollaraquïna.
Uca paninitjja, ¿cawquïris awquin munañapjja luränjja?, sasa. Jupanacasti —Nayrïrïquis ucawa —sapjjewa. Jesusasti siwa: —Khanacwa sapjjsma, impuesto cobririnacasa, walja chachanacampi sarnaker warminacasa jumanacat sipansa nayrakata mantani Diosan reinoparojja.
“Ucatpï sapjjsmajja, jumanacatjja Diosan reinopajj apakatäniwa, churasiraquiniw qhitinacatejj horasapar achunac churquis ucanacaru.
Mank'at awtjatanacarusti asquimpiw phokt'i, kamirinacarusti jan cunanwa qhitanucu,
Jesusasti jupanacarojj sänwa: —C'umaranacataquejj janiw kolliri munasquiti, jan ucasti usutanacataquiw kollirejja munasejja.
Aca pasatatsti, Jesusajj jach'a marcanacana, uqhamarac jisc'a marcanacanwa sarnakäna Diosan arunacap yatichasa, uqhamarac Diosan reinopat parlasa. Tunca payan discipulonacaparaquiw jupamp chica sarnakapjjäna.
Ucat jupanacar saraquïna: —Jumanacarojj Diosaw yatiyapjjtam cunanacatejj alajjpachan imantatäqui ucanacjja; ucampis mayninacarojj uñtasitanac tok parltjja, uñjcasinsa jan uñjir tucupjjañapataqui, uqhamarac ist'casinsa jan amuyt'apjjañapataqui.
Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.
Niya jayp'öjjepansti tunca payan discipulonacapajj Jesusar jac'achasisin sapjjänwa: —Aca jakenacarojj qhitanucjjam, samarjjapjjañapataqui, uca jac'a utanacans mank'añ thakasipjjañapataqui, acansti janiw cunas utjquiti —sasa.
Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.
Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.
Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.
Ucansti jan ajjsartasaraquiw jupajj Diosan reinopatjja yaticharaquïna, uqhamarac Tatit Jesucristjjatsa. Janiraquiw qhitis juparojj jarc'cänti uqham parlatapatjja.
Ucampisa, ¿cunjämrac juparusti art'asipjjanisti jan jupar iyawsapcchi ucasti? ¿Cunjämrac juparusti iyawsapjjanisti jan jupat parlquir ist'qui ucasti? ¿Cunjämaraqui ist'apjjanisti jan qhitis jupat yatiyiri utjcchi ucasti?
Iyawsañajja ist'apjjatap laycuw utji, cunatejj ist'asqui ucasti Criston yatiyäwipawa.
Cristosa janiw jupa quicparojj cusisiyascänti, jan ucasti cunatejj Kellkatanjja sisqui ucarjamaw sarnakäna: “Jumar tokepctam ucasti nayjjaruw puri” sasa.
Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.
Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.