Mateo 21:31 - Qullan Arunaca

³¹ Uca paninitjja, ¿cawquïris awquin munañapjja luränjja?, sasa. Jupanacasti —Nayrïrïquis ucawa —sapjjewa. Jesusasti siwa: —Khanacwa sapjjsma, impuesto cobririnacasa, walja chachanacampi sarnaker warminacasa jumanacat sipansa nayrakata mantani Diosan reinoparojja.

Aymar Bibliia 1986

³¹ Uca paninitjja, ¿cawquïris awquin munañapjja luränjja?, sasa. Jupanacasti —Nayrïrïquis ucawa. —sapjjewa. Jesusasti siwa: —Khanacwa sapjjsma, impuesto cobririnacasa, walja chachanacampi sarnaker warminacasa jumanacat sipansa nayrakata mantani Diosan reinoparojja.

Qullan Arunaka DC

³¹ Uka paninitxa, ¿kawkïris awkin munañap luränxa? —sasa. Jupanakasti sapxänwa: —Nayrïrïkis ukawa —sasa. Jesusasti jupanakarux sänwa: —Qhanak sapxsma, Romatak qullqi apthapirinakampi, walja chachanakampi sarnaqir warminakampiw jumanakat nayraqat Diosan qhapaq markapar mantapxani.

Mateo 21:31 Jak'a apnaqawi uñst'ayäwi

Job 15:6

“Janiraquiw nayan jumar juchañchañajjasa waquisquiti, jan ucasti juma pachpaw arunacamampi juchañchasisctajja.

Ezequiel 33:11

Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’

Mateo 12:50

Qhitinacatejj Awquejjan munañapa lurqui, ucanacawa nayan jilajjajja, cullacajjasa, taycajjaraquisa —sasa.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 20:16

“Uqhamapï qhitinacatejj khepancqui ucanacajj nayrancanejja; nayrancquis ucanacasti khepancaraquiniwa. Waljaniraquiwa jawsatajja ucampis ajllitajj juc'aniquiwa.”

Mateo 21:30

Uca khepatsti maynin ucaruraquiw sari, juparusti uca quicpracwa saraqui. Jupasti awquiparojj siwa: ‘Saräwa’ sasa. Ucatsti janiw uquïri yokajj sarcataynati.

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Mateo 5:46

Jumanacatejj munapjjsta qhitinacatejj jumar munapctam ucanacaruqui ucajja, ¿cuna asquirac catokapjjätasti? Impuesto cobririnacasa uca quipcracwa lurasipqui.

Mateo 6:5

“Cunapachatejj jumanacajj Diosat mayisipjjäta ucqhajja, jan c'ari chuymaninacjam mayisipjjamti. Jupanacajj sayt'asisinwa sinagoganacanjja mayisipjje, uqhamarac calle esquinanacansa jakenacan uñjatäñataqui. Khanacwa sapjjsma, uca luräwipatjja catokjjapjjewa.

Mateo 7:21

“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Mateo 9:9

Jesusasti ucat sartasinjja mä jakeruw uñjäna, Mateo sutini. Uca jakesti impuesto cobrañawjan kont'atäscänwa. Jesusasti saraquïnwa: —Arquita —sasa. Mateosti sartasisinjja juparuw arcjjaruwayi.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”

Lucas 19:22

Ucat reyejj jupar saraqui: ‘Jan wali sirviri, quicpa arunacamampiw juchañssma. Jumatï yatchïyätajja nayan khoru jakëtajja, jan uchcta ucqhat apthapirïtajjsa, uqhamarac cawqharutï jan yapuchctsa ucqhat yapu apthapirïtajjsa.

Lucas 7:29

Uc ist'asinjja take jakenacas, uqhamarac Juanan bautismop catokeri, impuesto cobririnacasa amuyapjjänwa Diosajj chekätapa.

Juan 3:3

Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.

Juan 3:5

Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Romanos 5:20

Leyisti churatänwa juchajj juc'amp uñstañapataqui, ucampis cunapachatejj juchajj juc'ampi utjänjja juc'ampiraquiw Diosan qhuyapayasiñapajj utjaraquïna.

2 Pedro 3:9

Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.