Lucas 15:4 - Qullan Arunaca

“¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja?

Aymar Bibliia 1986

“¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja?

Qullan Arunaka DC

“¿Khitis jumanakat patak ovejanïspa, ukat may chhaqhayasispa ukaxa, janit llätunk tunka llätunkan oveja pampar jaytawayasin, chhaqhat oveja jikxatañkam thaqhir sarkaspaxa?

Lucas 15:4 Jak'a apnaqawi uñst'ayäwi

Salmos 119:176

Chhaker ovejar uñtataw payinucta, nayar thakerejj jutaquimaya, janiw arunacamat armascti.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Jeremías 33:13

Kollu tokenquiri marcanacansa, kota irana pampa orake tokenacansa, Néguev orakensa, Benjamín tribun orakepansa, Jerusalén marca thiyanacansa, Judá orakenquir marcanacansa, awatirinacarojj uñjatäjjaniwa tamanacapa jaqhusipquiri. Naya Tatituw ucjja arsta.”

Jeremías 50:6

“Marcajjasti chhakat ovejanacjamaw sarani, jan wali awatirinacapan irpata, uca awatirinacasti monte tokenacanwa ananucupjjänjja. Mä kollut mä kolluruw sarapjjänjja, pachpa uyunacapatsa armasjjapjjaraquïnwa.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Ezequiel 34:31

Jumanacajj nayan ovejanacajjäpjjtawa, nayan uywa awatisiñajjan mank'asiri ovejanacajjäpjjtawa. Nayaw jumanacan Diosamätjja. Naya Tatituw ucjja arsta.”

Ezequiel 34:4

Pisi ch'ama ovejanacarojj janiw yanapt'apctati, usutanacarus janiw kollt'apcaractati, cayu p'aquita ovejanacarus janiw ch'okjjatt'apcaractati, jan ucasti khoru cancañampi jan munasiñampiw uñjapjjaractajja.

Ezequiel 34:8

Naya Tatituw juramentompi arsta: Take casta kamakenacaw nayan ovejanacajj-jja mank'arawayapjje, uqhamaraqui lunthatsuwayapjje, jan awatirinïpjjatap laycu. Awatirinacajjasti janiw ovejanacajj thakerejj sarapquiti. Awatirinacajj jupanacpachatacwa llaquisipjje, ovejanacajjsti janiw tumpapcaraquiti.

Mateo 12:11

Jesusasti ucjjarojj saraquïnwa: —¿Qhiti jakes jumanacatjja utjaspa mä ovejani, uca ovejasti samarañ urunjja mä p'iyaru jalantaspa ucatjja jan apsuri sarcaspajja?

Lucas 13:15

Ucapachaw Tatitojj jupar saraquïna: —C'ari chuymaninaca, ¿janit jumanacat cawquïris vacapsa jan ucajj asnopsa jararquejj samarañ urunjja, umt'ayir irpañataquejja?

Lucas 15:3

Ucatwa Jesusajj aca uñtasïw toke yatichäna:

Lucas 19:10

Jaken Yokapasti cunatï chhakatäcäna uc thakeri khespiyiriraquiw juti —sasa.

Romanos 2:1

Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.