Lucas 15:4 - Qullan Arunaka DC

⁴ “¿Khitis jumanakat patak ovejanïspa, ukat may chhaqhayasispa ukaxa, janit llätunk tunka llätunkan oveja pampar jaytawayasin, chhaqhat oveja jikxatañkam thaqhir sarkaspaxa?

Aymar Bibliia 1986

⁴ “¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja?

Qullan Arunaca

⁴ “¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja?

Lucas 15:4 Jak'a apnaqawi uñst'ayäwi

Salmos 119:176

Chhaqhir ovejar uñtataw payinukta, ¡nayar thaqhirix jutakimaya, janiw kamachi arunakamat armaskti!

Isaías 53:6

Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.

Jeremías 33:13

Qullu tuqinkir markanakana, quta iran pampa uraqi tuqinakana, Néguev uraqina, Benjamín ayllun uraqipana, Jerusalén marka thiyanakana, Judá uraqinkir markanakansa, taqi uka chiqanakan awatirinakar oveja tamanakap jakhur uñjapxarakini. Naya, Tatituw uk arsta.”

Jeremías 50:6

“Markaxasti chhaqhat ovejanakar uñtatänwa, jan wali awatirinakan irpata, uka awatirinakapasti qullu tuqinakan ananukupxäna. Ukat mä qullut mä qulluru sarapxäna, pachpa uyunakapatsa armasxapxarakïnwa.

Ezequiel 34:16

Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.

Ezequiel 34:31

Jumanakax nayan ovejanakaxäpxtawa, nayan uywa awatisiñaxan manq'asir ovejanakaxäpxtawa. Nayaw jumanakan Diosamätxa. Naya, Tatituw uk arsta.”

Ezequiel 34:4

Jumanakax janiw pisi ch'ama ovejanakarux yanapt'apktati, usutanakarus janiw qullt'apktati, kayu p'akit ovejanakarus janiw ch'uqxatt'apktati, yaqha tuqir saranukurinakarux janiw kuttayanipktati, janirakiw chhaqhatanakar thaqhiris sarapktati, jan ukasti qhuru kankañampi jawq'jasaw usuchjapxtaxa.

Ezequiel 34:8

Naya, Tatituw jakañax layku juramentompi arsta: Kunayman qamaqinakaw nayan ovejanakax lunthatsusin manq'arawayapxi, jan awatirinïpxatap layku. Awatirinakaxasti janiw ovejanakaxar thaqhir sarapkiti. Awatirinakax jupanakpachatak llakisipxi, ovejanakaxsti janiw tumpapkiti.

Mateo 12:11

Jesusasti jupanakarux sarakïnwa: —Jumanakan mä ovejatix sábado urun mä p'iyar jalantaspa ukaxa, ¿janit uka ovejar wayskaspaxa? ¡Jïsa, jank'akiw waysuspaxa!

Lucas 13:15

Tatitusti juparux sarakïnwa: —K'ari chuymaninaka, ¿janit jumanakat khitis vacapsa, jan ukax asnopsa sábado urun jararasin umt'ayir irpapktaxa?

Lucas 15:3

Ukat Jesusax aka uñtasïw tuqi yatichäna:

Lucas 19:10

Jaqin Yuqapax kunatix chhaqhatäkän uk thaqhiri, qhispiyirirakiw juti —sasa.

Romanos 2:1

Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.

1 Pedro 2:25

Nayrax jumanakax chhaqhat ovejanakar uñtataw sarnaqapxayätaxa, ukampis jichhax Cristoruw kuttanxapxtaxa, jupasti mä awatirir uñtataw jumanakar imapxtamxa.