Lucas 15:5 - Qullan Arunaka DC

⁵ Jikxatxasinsti kusisitaw kallachipxar q'ipisinxi,

Aymar Bibliia 1986

⁵ Jicjjatjjasinsti cusisitaw callachipjjaru apasinjje.

Qullan Arunaca

⁵ Jicjjatjjasinsti cusisitaw callachipjjaru apasinjje.

Lucas 15:5 Jak'a apnaqawi uñst'ayäwi

Isaías 62:12

Israelitanakarusti: “Qullan marka”, “Tatitun qhispiyatanakapa” sasa, Jerusalenarusti: “Munat marka”, “Jan apanukut marka” sasaw sutichapxani.

Isaías 62:5

Kunjämatix mä waynax mä tawaqumpi jaqichasixa, ukhamarakiw Tatitux jumarux warmimat katuqasxätam, wasitat sayt'ayxätam; jumampisti k'uchikiw jakasini, kunjämatix mä chachax warmipampi kusiski ukhama.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Ezequiel 18:23

Janiw nayax ñanqha jaqin jiwañap munkti, jan ukasti ñanqha lurañat jithiqtxañap munta, ukhamat jakxañapataki. Naya, Tatituw uk arsta.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Miqueas 5:4

4 (3) Reyisti markapar awatiñatakiw sartani, Dios Tatitupan ch'amapampi, jach'a kankañapampiw awatini. Jupanakasti samart'atarakiw jakasxapxani, Tatitux taqi akapachan jach'ar aptatätap layku.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Sofonías 3:17

Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Lucas 15:32

Ukampis wakisiw kusist'añaxa, aka jilamax jiwatänwa, jichhasti jaktanxiwa: chhaqhatänwa, jichhasti uñstanxiwa’ ” sasa.

Lucas 15:4

“¿Khitis jumanakat patak ovejanïspa, ukat may chhaqhayasispa ukaxa, janit llätunk tunka llätunkan oveja pampar jaytawayasin, chhaqhat oveja jikxatañkam thaqhir sarkaspaxa?

Lucas 15:6

utar purinisinsti uñt'at masinakaparu, uta jak'a masinakaparuw jawsayi, ukat saraki: ‘nayamp chik kusisipxam, chhaqhatäkän uka oveja jikxatanxta’ sasa.

Lucas 19:9

Jesusasti juparux sarakïnwa: —Jichhüruw qhispiyasiñax aka utar purini, aka jaqisti Abrahaman wawaparakiwa.

Lucas 23:43

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Juan 15:11

“Aksti jumanakaruw ukham sapxsma, nayampi chika kusisiñamataki, kusisiñamasti phuqhatpachäñapataki.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Efesios 3:7

Diosan khuyapayasiñapa, munasiñap tuqiw nayax uk yatiyañatak uchatäta, ukham jupax jach'a ch'amap uñacht'ayi.

1 Tesalonicenses 1:5

Kunapachatix nanakax Diosan suma yatiyäwi arunakap yatiyapksma ukkhasti, janiw aru tuqikïkänti, jan ukasti Diosan ch'amapa, Qullan Ajayun luräwip tuqiw taqi iyawsañampi uñacht'ayapxsma. Kunjämtix jumanak taypin askinakamatak nanakax sarnaqapkta uk sum yatipxtaxa.

2 Timoteo 2:26

p'arxtapxañapataki, ukatsti supayan sipitapat jaltapxañapataki, khititix katuntasin munañapar apnaqki ukata.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.