Jeremías 33:13 - Qullan Arunaca

¹³ Kollu tokenquiri marcanacansa, kota irana pampa orake tokenacansa, Néguev orakensa, Benjamín tribun orakepansa, Jerusalén marca thiyanacansa, Judá orakenquir marcanacansa, awatirinacarojj uñjatäjjaniwa tamanacapa jaqhusipquiri. Naya Tatituw ucjja arsta.”

Aymar Bibliia 1986

¹³ Kollu tokenquiri marcanacansa, kota irana pampa orake tokenacansa, Néguev orakensa, Benjamín tribun orakepansa, Jerusalén marca thiyanacansa, Judá orakenquir marcanacansa, awatirinacarojj uñjatäjjaniwa tamanacapa jaqhusipquiri. Naya Tatituw ucjja arsta.”

Qullan Arunaka DC

¹³ Qullu tuqinkir markanakana, quta iran pampa uraqi tuqinakana, Néguev uraqina, Benjamín ayllun uraqipana, Jerusalén marka thiyanakana, Judá uraqinkir markanakansa, taqi uka chiqanakan awatirinakar oveja tamanakap jakhur uñjapxarakini. Naya, Tatituw uk arsta.”

Jeremías 33:13 Jak'a apnaqawi uñst'ayäwi

Jeremías 17:26

Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Jeremías 32:15

“Take ch'amani Tatitusti, cawquïritejj Israelan Diosapäcaraqui ucasti siwa: ‘Aca orakenwa wasitat utanacsa, yapunacsa alasipjjani’ sasa.

Jeremías 32:44

Uca orakenacsti alasipjjaniwa, suma k'omachata papelanacani, selloni uqhamaraqui testigonacansa firmataraqui. Take acanacasti Benjamín tribun orakepanwa lurasiraquini, Jerusalén marca thiyanacana, Judá orakenquiri marca thiyanacana, kollu tokenacansa, jach'a kota thiya iramanacansa, uqhamaraqui Néguev sisqui uca marcanacansa, nayaw jupanacarojj asqui lurjjaraquï. Naya Tatituw ucjja arsta.”

Ezequiel 20:37

Nayaw jumanacarojj cunjämatejj mä awatirejj tamaparojj suma uñaquipqui uqhama uñjapjjaraquïma, ucatsti sumwa jacthapipjjaraquïma, cuna arust'äwitejj utjcän uca phokhañaruw uchapjjaraquïma.

Levítico 27:32

“Uywanacatsti sapa tuncat mayjja Tatiturupuniw churjjapjjäta, juparu loktatäjjaraquiniwa, sapa tuncat mayätap laycu.

Lucas 15:4

“¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja?