Lucas 13:15 - Qullan Arunaca

¹⁵ Ucapachaw Tatitojj jupar saraquïna: —C'ari chuymaninaca, ¿janit jumanacat cawquïris vacapsa jan ucajj asnopsa jararquejj samarañ urunjja, umt'ayir irpañataquejja?

Aymar Bibliia 1986

¹⁵ Ucapachaw Tatitojj jupar saraquïna: —C'ari chuymaninaca, ¿janit jumanacat cawquïris vacapsa jan ucajj asnopsa jararquejj samarañ urunjja, umt'ayir irpañataquejja?

Qullan Arunaka DC

¹⁵ Tatitusti juparux sarakïnwa: —K'ari chuymaninaka, ¿janit jumanakat khitis vacapsa, jan ukax asnopsa sábado urun jararasin umt'ayir irpapktaxa?

Lucas 13:15 Jak'a apnaqawi uñst'ayäwi

Job 34:30

uqhamat mä ñankha lurir jaken marca jan apnakañapataqui, take jakenacaru sallkjasa.

Proverbios 11:9

Jucharar jaken arunacapajj masinacaparojj tucjiwa, ucampis asqui jakenacan ch'iqhi cancañapaw khespiyi.

Isaías 29:20

Ñankha jakenacasti tucusjjapjjaraquiniwa, jach'a jach'a tucur jakenacas jiwarapjjaraquiniwa, ñankha lurañac amtir jakenacas tucusipjjaraquiniwa,

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Mateo 15:7

¡C'ari chuyman jakenaca! Walicpun Isaías profetajj jumanacatjja sascänjja:

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 23:28

Uqhamaraquiw jumanacajja ankäjjatjja wali k'oma tucupjjta jakenac nayrakatanjja, ucampis chuymanacamanjja jan wali luräwinacampi ñankha amtañanacampi phokhantatäpjjtawa.

Mateo 7:5

¡C'ari chuyman jake!, nayrakat uca thuru lawa nayramancquis uc apsusim, ucatwa jumajj sum uñjasma uca jisc'a k'añojj jilaman nayrapan utjquis uc apsuñataquejja.

Lucas 12:1

Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 14:5

Fariseonacarusti sänwa: —¿Qhitis jumanacatjja, asnopa jan ucajj vacapa mä p'iyaru jalantipanjja, ucspachajj jan apscaspajja samarañ urücchi ucampinsa? —sasa.

Lucas 6:42

¿Cunjämrac jilamarusti sañ muntasti, ‘Jilata, nayramat uca jisc'a k'añu apst'äma’ sasa, juman nayraman mä jach'a lawajj utjasquipanjja? ¡C'ari chuyman jake! nayrakat nayramancquis uca jach'a lawa apsusim, ucatwa jumajj jilaman nayrapan jisc'a k'añojj utjquis ucjja sum uñjäta apsuñataqui.

Lucas 7:13

Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Lucas 7:19

Jupanacarusti Jesusan ucaruw qhiti, chekpachapunit jupäpacha jutañapäcänsa uca Cristojj, jan ucajj yakharuch suyañanacapäsipqui uc yatjjatiri.