Lucas 13:14 - Qullan Arunaca

¹⁴ Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Aymar Bibliia 1986

¹⁴ Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Qullan Arunaka DC

¹⁴ Ukampis sinagogan jilïripax wal phiñasïna Jesusan sábado urun k'umaraptayatapata, ukat jaqinakar säna: —Suxtüruw irnaqañatakix utji; uka urunakan qullayasir jutapxañamaxa, janiw sábado urunxa —sasa.

Lucas 13:14 Jak'a apnaqawi uñst'ayäwi

Éxodo 20:9

jumasti sojjta uruw irnakasïta, take cuntejj jumatac lurasiñ muncta ucanaca,

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Ezequiel 20:12

Uqhamaraquiwa jupanacarojj yatiyta nayan samaraña urojj toketsa, ucasti mä unañchäwiñapänwa nayampi jupanacampi cuna arust'äwtejj lurapcta uca toketa, uqhamaraqui mä amtasïwiñapänwa naya Tatitojj jupanacaru nayataqui yakhachasitajjata.

Ezequiel 34:21

Jumanacajj t'uqhanacarojj nuqhunucupjjtawa, mokenokapjjaractawa, uqhamat jaltayapjjtajja.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Mateo 12:2

Ucanac uñjasinjja fariseonacajj Jesusarojj sapjjänwa: —Uñjam, aca discipulonacamajj samarañ urun jan lurañäquis ucwa lurapjje —sasa.

Marcos 5:22

Ucatsti mä jakew jutäna, Jairo sutini, jupasti sinagoganjj mä jilïrïnwa. Purinisinsti Jesusan nayrakataparuw quillt'asïna.

Lucas 6:11

Jakenacasti wal colerasipjjäna, ucat jupanaccamaw jisct'asipjjäna: ¿Camachsnas aca Jesusarojja?, sasa.

Lucas 6:7

Ley yatichirinacampi, fariseonacampisti Jesusarojj jamasat uñch'uquisipcäna samarañ urunjj kollanit janicha uc yatiñataqui, uqhamata juparu juchañchañataqui.

Lucas 8:41

Ucapachaw Jairo sat mä jakejj purini. Jupasti sinagoganjj mä jilïrïnwa. Aca chachasti Jesusan cayuparuw quillt'asi, ucat utapar sarañapatac achict'asi.

Hechos 13:15

Moisesan kellkatapampi profetanacan kellkatapampi leet'asinjja, sinagogan jilïrinacapajj jawsayapjjänwa, aqham sasa: —Jilatanaca, jumanacantejj utjapjjstam cuna suma ewjjt'añanacasa, arsusipcaquim —sasa.

Hechos 18:17

Griego jakenacasti takpachaniw sinagogan jilïr Sóstenes chacharojj catuntjjapjje. Ucatsti jilïri nayrakatanpachwa juparojj nuwjapjje. Galionasti uc uñjasajj janiw camsquisa.

Hechos 18:8

Sinagogan Crispo sat jilïripasti familiapamppachaw Tatiturojj iyawsjjäna. Corintonquir jakenacatsti waljaniraquiw Tatitun arunacap ist'asinjja iyawsapjjäna, ucat bautisasipjjaraquïna.

Romanos 10:2

Jupanac laycusti saractwa, jupanacanjj Diosatac munañ chuymajj utjasquiwa, ucampis jupanacan Diosar munañajj janiw chekpach amuyt'añjjanquiti.

Deuteronomio 5:13

Sojjta uruw trabajäta take luräwinacama,