Lucas 13:14 - Qullan Arunaka DC

¹⁴ Ukampis sinagogan jilïripax wal phiñasïna Jesusan sábado urun k'umaraptayatapata, ukat jaqinakar säna: —Suxtüruw irnaqañatakix utji; uka urunakan qullayasir jutapxañamaxa, janiw sábado urunxa —sasa.

Aymar Bibliia 1986

¹⁴ Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Qullan Arunaca

¹⁴ Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Lucas 13:14 Jak'a apnaqawi uñst'ayäwi

Éxodo 20:9

Jumax suxta uruw irnaqäta, taqi kuntix lurañamäki ukanakxa, ukürunakaw luräta,

Éxodo 23:12

“Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Ezequiel 20:12

Ukhamarakiw jupanakarux sábado urunakaxat yatiyta, uka urusti nayampin jupanakampin mä chimpüñapänwa, ukatsti mä amtawïñapänwa, naya Tatitun sábado uru nayatak yaqhachasitaxata.

Ezequiel 34:21

Jumanakasti t'ukhanakarux nukhunukupxtawa, muqinuqasaw jaltayapxtaxa.

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Mateo 12:2

Fariseonakasti uk uñjasin Jesusaruw sapxäna: —Uñjam, kunatix sábado urun jan lurañäki uk yatiqirinakamax lurasipki —sasa.

Marcos 5:22

Ukatsti mä jaqiw jutäna, Jairo sutini, jupasti sinagogan mä jilïrïnwa, purinisinsti Jesusan nayraqataparuw killt'asïna,

Lucas 6:11

Uka jaqinakasti uk uñjasax wal arusipxäna, ukatsti jupanakkamaw jiskt'asipxäna: ¿Kamachañänis aka Jesusaruxa? sasa.

Lucas 6:7

kamachi yatichirinakampi, fariseonakampisti Jesusarux jamasat uñch'ukisipkäna sábado urun qullanit janicha uk yatiñataki, ukhamat jupar juchañchañataki.

Lucas 8:41

Ukaruw Jairo sat mä jaqix purinïna, jupasti sinagogan mä jilïrïnwa. Jairosti Jesusan kayuparuw killt'asïna, ukat utapar sarañapatak achikt'asïna,

Hechos 13:15

Kamachi qillqatampi, profetanakan qillqatapamp ullart'at qhipatsti, sinagogan jilïrinakapax Pablompiru, mayninakampiruw jawsayapxäna akham sasa: —Israelit jilatanaka, jumanakantix kuna iwxt'añanakas utjapxstam ukax, arsusipkakim —sasa.

Hechos 18:17

Ukatsti taqpachaniw sinagogan jilïripa Sóstenes chachar katuntxapxäna, ukatsti taripañ uta uñkatasin jupar nuwjapxäna. Galionasti uk uñjasax janiw yäqkänsa.

Hechos 18:8

Sinagogankir Crispo jilïrix utapankirinakamp taqpachaniw Tatitur iyawsxäna. Corintonkir jaqinakatsti waljanirakiw Tatitun arunakap ist'asin iyawsapxäna, bautismo katuqapxarakïna.

Romanos 10:2

Jupanak laykusti saraktwa, jupanakan mä suma amtäwipaw Diosar luqtañatak utji; ukampis uka amtäwipax janiw chiqpach yatiñ kankañxar utt'ayatäkiti.

Deuteronomio 5:13

Suxta uruw irnaqäta, taqi kuntix lurañamäki ukanakxa, ukürunakaw luräta,