Levítico 23:3 - Qullan Arunaca

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Aymar Bibliia 1986

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Qullan Arunaka DC

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Levítico 23:3 Jak'a apnaqawi uñst'ayäwi

Éxodo 16:23

Ucat Moisesajj saraquïnwa: —Uqham lurapjjañapataquejja Tatituw arsu. Kharürusti samarañ uruwa, Tatitur loktat uru. Uca laycusti cuntejj kharürojj phayasipjjañamäqui ucjja jichhüru phayasipjjam, uqhamarac wallakeyapjjam cunatejj wallakeyapjjañamäqui ucsa; ucampis cunatejj jilt'cani ucjja kharürutaqui imasipjjam —sasa.

Éxodo 16:29

Jumanacasti sum yatipjjam naya Tatituwa samarañ urjja churapjjsma. Uca laycuwa nayajj sojjta urunjja payürutaqui mank'añ churapjjsmajja. Ucampis pakallko urusti sapa mayniw utapar kheparañapa, janiw qhitisa utat mistuñapäquiti.

Éxodo 16:30

Ucatsti jakenacajj takpachaniw pakallko urunjja samarapjjäna.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 34:21

“Sojjta uruw irnakapjjäta, ucampis pakallko urunjja samarapjjätawa, yapuchañ horasasa, jan ucajj cosechanac apthapiña horasanacasa.

Isaías 56:2

Cusisiñaniw cawquïri jaketejj aca camächinac take chuymampi phokqui ucajja, samarañ ursa sum imaraqui jan taquisisa, ñankha lurañanacatsti jaltaraquiwa janiw cuna jan walsa lurquiti.”

Isaías 56:6

Jaya marcat jutir jakenacatejj nayaru catuyasipjjetanejja, nayar sirviñataqui nayar munañataqui, nayan sirvirinacajja tucupjjañapataqui, nayan samarañ urojjsa imapjjaraquini, janiraqui taquisipcaniti, arust'äwejjanrac sum sayt'asipjjani ucapachajja,

Isaías 58:13

“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Lucas 13:14

Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Lucas 23:56

Utar cuttanjjasinsti suma k'apquir kollanac waquiyapjjäna. Samarañ urusti samarapjjänwa camachi arunacarjama.

Hechos 15:21

Moisesan leyipat parlirinacasti nayratpachaw take marcanacan utji. Ucanacajj sapa samarañ urunwa sinagoganacan uca leyinacjja yatichapjje.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa: