Éxodo 16:23 - Qullan Arunaca

²³ Ucat Moisesajj saraquïnwa: —Uqham lurapjjañapataquejja Tatituw arsu. Kharürusti samarañ uruwa, Tatitur loktat uru. Uca laycusti cuntejj kharürojj phayasipjjañamäqui ucjja jichhüru phayasipjjam, uqhamarac wallakeyapjjam cunatejj wallakeyapjjañamäqui ucsa; ucampis cunatejj jilt'cani ucjja kharürutaqui imasipjjam —sasa.

Aymar Bibliia 1986

²³ Ucat Moisesajj saraquïnwa: —Uqham lurapjjañapataquejja Tatituw arsu. Kharürusti samarañ uruwa, Tatitur loktat uru. Uca laycusti cuntejj kharürojj phayasipjjañamäqui ucjja jichhüru phayasipjjam, uqhamarac wallakeyapjjam cunatejj wallakeyapjjañamäqui ucsa; ucampis cunatejj jilt'cani ucjja kharürutaqui imasipjjam —sasa.

Qullan Arunaka DC

²³ Moisesasti jupanakar sänwa: —Tatituw ukham lurañatak arsu. Qharürux sábado uruwa, Tatitur luqtat samarañ uruwa. Kuntix phayasipxañamäki ukxa jichhür phayasipxam, kuntix qhatiyasipxañamäki uksa jichhür qhatiyasipxam; jilt'kani ukxa qharürutak imasipxam —sasa.

Éxodo 16:23 Jak'a apnaqawi uñst'ayäwi

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Nehemías 9:14

Jupanacarojj yaticharactawa samarañ uru jumatac imapjjañapataqui, ucatjja Moisés sirvirim tokejj churaractawa camachi arunaca, leyinaca, uqhamarac yatichäwinaca.

Éxodo 16:19

Ucat Moisesasti sascaquïnwa: —Janiwa qhitisa khepärmanthitaquejj cunsa jilt'ayañapäquiti —sasa.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 31:15

Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Jeremías 17:22

Uqhamaraqui samarañ urunjja jan carganac utanacamatjja apsupjjamti, janiraqui uca urojj cuna casta irnakäwsa lurapjjamti. Samarañ ursti nayaru loktanipjjeta, cunjämtejj nayra awquinacamaru siscäyätjja uqhama.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Números 11:7

(Aca maná satasti cilantro kokan jathapar uñtatänwa, colorapasti mä juc'a k'ellur uñtataraqui, resina aceitjama,

Números 11:8

ucatsti saborapajj jac'ut lurat tortjama, aceitjamaw k'aphïna. Jakenacajj ucanac apthapiriw mistupjjäna, ucatsti pekapjjänwa jan ucajj ch'ajjt'asipjjänwa t'ant'anac lurasa.

Lucas 23:56

Utar cuttanjjasinsti suma k'apquir kollanac waquiyapjjäna. Samarañ urusti samarapjjänwa camachi arunacarjama.

Deuteronomio 5:12

‘Amtasïtawa samarañ urutjja, Tatitu Diosaru uca urun yupaychañamataqui, cunjämatï Diosamajj ewjjawayctam uqhama.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa: