Levítico 23:2 - Qullan Arunaca

² “Israelitanacarusti aqham saraquim: Acnïri urunacaw Tatitutaqui sata yakhachata urunacajja, jumanacasti uca urunacanwa kollana tantachasïwinaca lurasa tantacht'asipjjäta.

Aymar Bibliia 1986

² “Israelitanacarusti aqham saraquim: Acnïri urunacaw Tatitutaqui sata yakhachata urunacajja, jumanacasti uca urunacanwa kollana tantachasïwinaca lurasa tantacht'asipjjäta.

Qullan Arunaka DC

² “Israelitanakar akham sarakim: Akïr urunakaw Tatitutak sat yaqhachat urunakaxa, jumanakasti uka urunakan qullana tantachasïwinak lurasa tantacht'asipxäta.

Levítico 23:2 Jak'a apnaqawi uñst'ayäwi

2 Reyes 10:20

ucatwa säna: yatiyapjjañapataqui Baal diosataqui jach'a fiesta lurayaña, ucasti uqhamawa lurasïna.

1 Crónicas 23:31

Ucatsti cunapachatï take nact'ayat loktäwinaca loktapjjerïna samarañ uruna, sapa phajjsi kallta uruna, uqhamarac jach'a fiestanacansa ucqhajja, jupanacajj Tatiturojj sirvipjjapunirïnwa kawkhanitejj jupanacan lurañanacaparjama wact'qui uqhamaru.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 30:5

Ucatsti amtapjjänwa jawsayaña take Israelpacharu, Beer-seba ucqhat kalltasina Dan ucawjcama, Jerusalén marcarcama sarapjjañapataqui Israelan Tatit Diosaru Pascua fiestachañataqui. Nayrasti janiw walja jakenacampi fiestachapjjerïcänti, cunjämatï kellkatäcäna uqhamaru uca laycu.

Esdras 3:5

sapüru loktañ nact'at loktäwinaca, uqhamarac machak phajjsita wact'qui Tatitur loktata fiesta lurañanacajj utjqui ucanacata, uqhamarac qhitinacatejj take chuymapata Tatitur loktcäna ucanacaraqui.

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Éxodo 32:5

Ucat Aaronasti uqham uñjasinjja uca vaca kallur uñtasit yakha dios nayrakatarusti mä altarwa lurt'äna, ucatsti jach'at art'äna: —¡Arumanthisti fiesta lurañäni Tatitur jach'añchasina! —sasa.

Isaías 33:20

Sión, uñtam marcanacasan fiestapa, Jerusalenarojj uñtaraquim, uca samarañ marcaru; mä suma utt'ayat campamentöniwa, ch'aqhurunacapas janiw t'akartcaniti, pitanacapas janiw t'akartcaniti.

Lamentaciones 1:4

¡Sionan thaquinacapajj llaquiscayawa! ¡Janiw qhitis cusisiñaru jutirejj utjcaraquiti! Marcan puncunacapasti ch'usa wasarar tucutawa; sacerdotenacasti jachapjjaraquiwa, tawakonacas wali jachapjjaraqui, Jerusalén marcasti wali t'akhesiraqui.

Ezequiel 44:24

Ch'ajjwanacansti jupanacaw juesat sayt'apjjaraquini, ch'ajjwañanacjja nayan leyinacajjarjamaw t'akjapjjaraquini. Fiestanac toketsti take leyinacajja, uqhamaraqui yatichäwinacajjwa phokhapjjaraquini, nayan samaraña urunacajjsti kollana urunacäcaspas uqhamwa wali ajjsart'añampi uñjapjjani.

Oseas 2:11

Cusisiñanacapasa uqhacamaquiraquïniwa: Fiestanacapsa, machak phajjsinacapsa, samarañ urunacapsa, fiestachasiñanacapsa, k'al tucjäjja.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Joel 2:15

¡Sión kollunsti trompeta phust'apjjam! Marcarusti tantacht'apjjam ucatsti ayunapjjaraquim;

Levítico 23:1

Tatitusti Moisesaruw parläna; aqham saraquïnwa:

Levítico 23:21

“Uca urusti jumanacajj mä suma kollana tantachasïwi lurapjjäta, janiraquiw uca urojj ni cuna casta irnakañsa lurapjjätati. Aca leyisti jumanacataquejj wiñayataquiwa, awquinacamataqui, uqhamarac wawanacamataquisa; cawqhansaya jacasipcam jumanacajja.

Levítico 23:37

“Take uca urunacasti Tatitutaqui sataraquiwa, jumanacasti uca urunacanjja mä suma kollana tantachasïwinacwa lurapjjäta, uqhamarac uca urunacajj Tatituruw ofrendanac nact'ayasin loktapjjaraquïta, takpach naqhata ofrendanaca, granonacata ofrendanaca, uqhamarac sacrificionaca, vinota ofrendanaca; cunjämarutejj sapa uru waquiscani uqhamarjama.

Levítico 23:4

“Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Levítico 23:44

Uqhamwa Moisesajj israelita jakenacarojj yatiyäna cuna urunacatejj fiestajj lurañäcäna ucanac toketjja, uca fiestanacasti Tatitutaqui satapuniraquïnwa.

Nahúm 1:15

“¡Uñtapjjam! Niyaw kollunjam jutasqui suman sarnakasiñ yatiyäwinac apanirejja. Judá marca, fiestachasiraquim; arsutanacamsti phokharaquim. Khoru jakenacasti janiw juc'ampi jumar nuwirejj jutcjjapjjaniti; k'ala t'unjatäjjapjjaraquiwa.

Números 10:10

Uqhamaraqui trompetanacjja phust'asipjjam, cusisiña urunacansa, fiesta urunacansa, machak phajjsïqui ucapacha, cunapachatejj nactayasin sacrificionac loktapcäta, uqhamarac sumancaña sacrificio loktasipcäta ucapacha. Uqhamatwa nayajj jumanacat amtasipjjäma. Nayaw jumanacan Tatitu Diosamätjja.”

Números 29:39

“Aca sacrificionacwa Tatiturojj loktapjjäta, jach'a fiestanacamanjja, arunacamampi arsusina ofrenda loktañäni sapcta ucat sipansa, naqhantayat ofrendäpansa grano achunacata, vinota ofrendäpansa, uqhamarac sumancayaña sacrificiöpansa.”

Juan 5:1

Ucanac pasatatsti judionacajj mä fiesta lurapjjäna, Jesusasti Jerusalenaruw cutt'äna.

Colosenses 2:1

Munaractwa yatipjjañama jumanacataqui wali ch'am tucutajjata, Laodiceanquirinacataqui, uqhamarac take qhitinacatejj jan uñt'apquitus ucanacataquisa.

Colosenses 2:16

Mank'apjjatamatsa umapjjatamatsa jan qhitis jumanacarojj jisc'achpati, cuntï machak phajjsi uñsta urunacana, uqhamarac fiesta urunacansa, samarañ urunacan lurapctas ucanacatjja.