Jueces 9:5 - Qullan Arunaca

Cawqhantejj Jerobaal sat awquipajj jaccäna uca Ofra sat marcaru, purisasti uca khoru jakenacampejja mä sapa kala patjjaruquiw pakallk tunca jilanacapa jiwarayäna. Ucampis Jotam sat Jerobaal awquipan sullquïri wawapaquiw imantasis khespïna.

Aymar Bibliia 1986

Cawqhantejj Jerobaal sat awquipajj jaccäna uca Ofra sat marcaru, purisasti uca khoru jakenacampejja mä sapa kala patjjaruquiw pakallk tunca jilanacapa jiwarayäna. Ucampis Jotam sat Jerobaal awquipan sullquïri wawapaquiw imantasis khespïna.

Qullan Arunaka DC

Ofrá sat markaru sarapxäna, kawkintix awkipax jakkatayna ukkharu, ukansti, uka qhuru jaqinakaxa, mä sapa qala patxarukiw Abimélec chachan paqallq tunka jilanakapar jiwarayapxäna. Jotam sata, Gedeonan sullka yuqapakiw imantasisin qhispïna.

Jueces 9:5 Jak'a apnaqawi uñst'ayäwi

1 Reyes 1:12

Jichhasti jutam, mä ewjja churäma, uqhamata jumajj jacañamsa, Salomón yokaman jacañapsa khespiyañamataqui.

1 Reyes 1:21

Janitejj uqham utt'aycäta ucajja, cunapachatï juma jach'a reyejj jiwjjäta ucqhajja, Salomón yokajjasa, nayasa jiwayañataqui juchañchatäpjjäwa —sasa.

2 Reyes 10:17

Jehú reyisti Samaria marcar mantasinjja Acab reyin take familianacaparuwa jiwarayäna, qhitinacatejj jacasquiri kheparasipcäna ucanacaru. Jan mayninwa tucjäna, cunjämtï Tatitojj arscäna Elías toke uqhamaru.

2 Reyes 10:7

Jupanacasti aca cartanaca catokasinjja, uca pakallk tunca yokanacap catusinjja jiwarayapjjänwa; ucatjja p'ekenacapa apakasinjja canastanacaruwa uchapjjäna, ucatsti Jezreel chekaruwa apayapjjäna.

2 Reyes 11:3

Joás wawasti uywiripampejja sojjta maraw Tatitun templopana imantatäscäna. Uccañcamasti Atalía warmiwa marcarojj apnakascäna.

2 Crónicas 21:4

Ucampis Joram chachajj awquipana tronopana suma utt'asisinjja, take jilanacaparuwa cuchillompcama jiwarayäna, uqhamarac Israelana yakhep jilïrinacarusa.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Mateo 2:20

“Sartasim, ucatsti wawampiru taycapampiru irpjjarusin Israel marcaru cutt'awayjjam, wawaru jiwayañ munirinacasti jiwjjapjjewa” sasa.

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Jueces 6:24

Ucatsti Gedeonajja mä altarwa Diosataqui waquicht'i ucarusti suticharaquïnwa “Diosawa samarañajja” sasa. Aca altarasti Ofra marcancasquiwa, Abiezer sat familian marcapana.

Jueces 8:30

Gedeonajj pakallko tunca wawanacanïnwa, uqhamarac walja warminacaniraqui.

Jueces 9:18

Ucampis jumanacajja awquejjan familiapa contraw sayt'asinjja pakallk tunca yokanacapwa jiwarayapjjtajja mä kala patjjaruqui. Ucatsti Abimelec sata awquejjan uñt'atapan yokaparuquiw reyita utt'ayasipjjtajja jumanacan familiamätap laycu.

Jueces 9:2

—Take familianacajjan sutiparuw nayajj achict'apjjsma jumanacajja Siquem marcanquir take jakenacaru amuyt'ayapjjañanacamataqui. Cawquïris walïspa mä jakempi apnakatäñati, jan ucajja Jerobaal awquejjana pakallk tunca wawanacapan apnakatäñacha walïspajja —sasa.

Jueces 9:6

Uca khepatsti take Siquem marcanquiri, uqhamarac Bet-milo satanquirinacasa takenejj mayaquiw encina sat chekan tantachasipjjäna. Ucatsti Siquem marcana wali ajjsarata mä kalajja utjcäna ucqhanjja Abimelec chacharojj reyitwa utt'ayapjjäna.