Jueces 6:11 - Qullan Arunaca

¹¹ Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Aymar Bibliia 1986

¹¹ Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Qullan Arunaka DC

¹¹ Ukatsti Tatitun angelapaw jutäna, Ofrá chiqankir encina quqa thiyaruw qunt'asïna, uka quqasti Joás chachankänwa, jupasti Abiézer chachat saraqirïnwa. Joás chachan Gedeón yuqapasti, madianitanakampi jan uñjayasiñatakiw jamas chiqan trigo thalaskäna, kawkhantix vino lurañatak uva takipxirïkän ukawjana.

Jueces 6:11 Jak'a apnaqawi uñst'ayäwi

Génesis 16:7

Ucampisa Tatitun mä angelapaw wasaranjja jupar jicjjatäna, Shur sisqui ucar sarañäquis uca thaqui jac'ana mä uma jalsu thiyana,

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

1 Reyes 19:19

Eliasajj ucqhat sarjjasinjja Eliseompiwa jiquisïna, jupasti kholliscänwa. Eliseon nayrakatapanjja tunca payan yuntampiw sarascäna, khepäqui ucsti jupa pachparaquiw irpascaraquïna. Eliasasti jupar jaq'achasisinjja, jupa patjjaruwa capapa liwjjatäna.

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Números 26:30

Galaad chachan wawanacapajj Jezer chachan familianacapa, Helec chachan familianacapa.

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

Josué 17:2

Uqhamaraquiw Manasés tribun wawanacapan orakenacapas suerteta laquintataraquïnwa, cawquïrinacatï Abiezer, Helec, Asriel, Siquem, Hefer, Semida satäpqui ucanaca; jupanacasti Josean allchhinacaparaquïnwa.

Josué 18:23

Avim, Pará, Ofra,

Jueces 13:3

Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Jueces 13:6

Warmejj chachaparu yatiyiriw saräna: “Mä Diosan jakepaw jutatayna cawqhanccäyättejj ucqharu. Ucampis nayataquejja Diosan mä angelapjamaquiwa. Janiwa nayajj jisct'cti qhitïpachas ucjja, ni jupasa nayarojj qhitisa ucjja arscaraquituti.

Jueces 5:23

Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 8:2

Ucampis Gedeonajj saraquïnwa: —¿Janiti jumanacajj amuyasipcta cuntejj lurapcta ucajj, nayan luratajjatsa juc'ampïtapa? Jumanacana juc'aqui luratanacamajj wali asquiwa nanacana walja luratanacajjat sipansa.

Jueces 9:5

Cawqhantejj Jerobaal sat awquipajj jaccäna uca Ofra sat marcaru, purisasti uca khoru jakenacampejja mä sapa kala patjjaruquiw pakallk tunca jilanacapa jiwarayäna. Ucampis Jotam sat Jerobaal awquipan sullquïri wawapaquiw imantasis khespïna.