Jueces 6:10 - Qullan Arunaca

¹⁰ Ucatsti sapjjaracsmawa: ‘Nayätwa jumanacan Diosamajja, uca laycusti janiwa amorreonacan diosanacaparojj ajjsarapjjätati, cawquïr orakentejj jichhajj jacapcta ucanjja; sasa. ‘Ucampis jumanacajj janiw ist'apquistati’ ” sasa.

Aymar Bibliia 1986

¹⁰ Ucatsti sapjjaracsmawa: ‘Nayätwa jumanacan Diosamajja, uca laycusti janiwa amorreonacan diosanacaparojj ajjsarapjjätati, cawquïr orakentejj jichhajj jacapcta ucanjja’ sasa. ‘Ucampis jumanacajj janiw ist'apquistati’ sasa.”

Qullan Arunaka DC

¹⁰ Ukatsti sapxaraksmawa: Nayätwa jumanakan Tatitu Diosamaxa, jichha jakasipkta uka amorreonakan uraqipan utjir diosanakarux jan axsarapxamti, sasa; ukampis jumanakax janiw ist'apkistati’ ” sasa.

Jueces 6:10 Jak'a apnaqawi uñst'ayäwi

2 Reyes 17:13

Tatitusti Israelit jakenacarojj ewjjänwa take profetanaca qhitatanacap toke jan wali thaquinacapata cutjtanjjapjjañapataqui, cuntejj Tatitojj churcäna uca phokhapjjañapataqui camachi arunacaparu, uqhamarac take yatichäwinacata leyinaca churcäna nayra awquinacaparu sirvir profetanacap toke.

2 Reyes 17:33

Uqhamasti jupanacajj Tatiturus yupaychapcchïna ucasa, jupanacan yakha diosanacaparojj yupaychasipcaquïnwa, cawqha marcanacattï apanitäpcäna uca jupanacan luräwinacaparjama lurasina.

2 Reyes 17:7

Acasti lurasïnwa Israelit jakenacan Tatit Diosap contra jucha lurapjjatap laycu, qhititejj Egiptota apsuncäna faraón sat egiptonquir reyin amparapata khespiyasa. Jupanacasti yakha diosanacaruw yupaychapjjäna.

Nehemías 9:29

Jumasti jupanacarojj ewjjt'äyätawa leyinacama phokhapjjañapataqui; ucampis jupanacajja walicjamacwa amuyasipjjäna, ucatsti janiw arunacamarojja ist'apcänti. Ucatsti jupanacajj janiw phokhapcänti camachi arunaca, qhitinacatejj phokhasina jacaña jicjjatapjjañanacapäcäna ucjja; jupanacajj juma contraw tucupjjäna, uqhamarac chuymanacapa kalarayasisa janiw ist'apcänti.

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Proverbios 5:13

¡Cunataraqui jan ist'cpachätsti qhitinacatejj nayar yatichapquitäna, uqhamarac sumar irpaña munapquitäna ucanacarusti!

Jeremías 10:2

Tatitojj siwa: “Jan yakha marcanacan luräwinacapa arcapjjamti, janiraqui alajjpachan unañchäwinacatsa sustjasipjjamti, cunjämatejj uca marcanacajj sustjasipjje uqhama.

Jeremías 17:23

Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.

Jeremías 3:13

Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 42:21

Nayasti jumanacarojj yatiyapjjsmawa, cuntejj Tatitu Diosamajj jumanacar yatiyañataqui sisquitu ucanacjja, ucampisa jumanacajj janiw ist'añ munapctati.

Jeremías 43:4

Uqhamapï Johanán jakes, jilïri militaranacasa, take marcan jaquirinacapasa janiw Judá orakeru kheparapcänti; uqhamatwa Tatitun arsutapar jan ist'apcänti.

Jeremías 43:7

Take ucanacasti jan Tatitur ist'asaw Egipto tokeru jacasiri sarjjapjjäna, ucatsti Tafnes sisqui uca chekaruw puripjjäna.

Jeremías 9:13

Tatitusti ucjjarojj siwa: “Take acanacasti pasiwa, Israelitanacajj take yatichäwinacajj apanucupjjatap laycu, janiw nayarojj ist'apquitänti, janiraquiw yatichäwinacajjarjamas sarnakapcänti.

Sofonías 3:2

“Janiw Diosan aruparojj ist'cänti, janiraquiw chekachäwi arunacsa ist'añ muncänti, janiraquiw Diosaparus confiascänti, janiraquiw juparus jac'achascaraquïnti.

Romanos 10:16

Ucampis janiw qhitis yäkquiti khespiyasiñ arunacjja. Cunjämtï Isaías profetajj sisqui uqhama: “Tatitu, ¿qhitis suma yatiyäwisarojj iyawsejja?” sasa.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Jueces 2:2

jumanacajja aca oraken jaquirinacampejj jan suma arust'äwiru mantapjjamti, jan ucasti altaranacapjja take tucjapjjam’ sasa. Ucampis jumanacajj janiw ist'apquistati, ¡uñtapjjamay cuntejj lurapcta uca!

Jueces 6:9

Janiwa egiptonquir jakenacatacjja khespiyapcsmati jan ucasti take jumanacar t'akhesiyirinacatwa khespiyapjjsmajja. Jupanacarusti jumanacan uñjcatawa alisnuctjja, uqhamaraqui orakenacapsa jumanacaruraqui churapjjaracsma, sasa.