Mateo 2:20 - Qullan Arunaca

²⁰ “Sartasim, ucatsti wawampiru taycapampiru irpjjarusin Israel marcaru cutt'awayjjam, wawaru jiwayañ munirinacasti jiwjjapjjewa” sasa.

Aymar Bibliia 1986

²⁰ “Sartasim, ucatsti wawampiru taycapampiru irpjjarusin Israel marcaru cutt'awayjjam, wawaru jiwayañ munirinacasti jiwjjapjjewa” sasa.

Qullan Arunaka DC

²⁰ “Sartasim, ukatsti wawampiru taykapampir irpxarusin Israel markar kutt'xam, wawar jiwayañ munirinakax jiwxapxiwa” sasa.

Mateo 2:20 Jak'a apnaqawi uñst'ayäwi

1 Reyes 11:21

Ucatsti cunapachatï Hadad chachajj Egiptona yatïna Davidan jiwjjatapa, uqhamarac ejerciton Joab generalana jiwjjatapa ucqhajja, Hadad chachajj faraonarojj sänwa: —Orakejjaruw cutt'jjañ munta —sasa.

1 Reyes 11:40

Uca laycusti Salomonajj jiwayañwa Jeroboam chacharu munäna; ucampis Jeroboam chachajj Egiptoruw jaltjjäna, ucansti Sisac sata ucawa reyïscäna; Jeroboam chachajj Salomonan jiwañapcamawa ucan kheparäna.

Éxodo 4:19

Moisesajj Madián sat chekancquipansti Tatitojj juparojj saraquïnwa: —Egipto marcar cutt'ascaquim, jumaru jiwayañ munirinacajja takeniw jiwatäjjapjje —sasa.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Mateo 2:19

Herodesajj jiwjjän uca khepatsti, wasitatwa Diosan angelapajj Josearojj samcan uñstaraquïna Egipto marcana, ucatsti saraquïnwa:

Mateo 2:21

Ucapachaw Joseajj, wawampiru taycapampiru irpjjarusina Israel marcapar cutt'awayjjäna.