Jueces 3:12 - Qullan Arunaca

Otoniel jiwjjatatsti israelitanacajj wastatampiw Diosajj cuntejj jan munqui uca jan wali jucha lurañanaca lurjjapjjaraquiquïna, uqhamïpansti Diosajj Moab marcanquir Eglón sat reyiruw wali ch'amani tucuyäna, israelitanacat sipansa.

Aymar Bibliia 1986

Otoniel jiwjjatatsti israelitanacajj wastatampiw Diosajj cuntejj jan munqui uca jan wali jucha lurañanaca lurjjapjjaraquiquïna, uqhamïpansti Diosajj Moab marcanquir Eglón sat reyiruw wali ch'amani tucuyäna, israelitanacat sipansa.

Qullan Arunaka DC

Otoniel chachan jiwxatapatsti, israelitanakax wasitatampiw Tatitun nayraqatapan jan walinak lurapxäna, ukhamïpan Tatitux Moab markankir Eglón reyiparux israelitanakat sipan wali ch'aman tukuyäna.

Jueces 3:12 Jak'a apnaqawi uñst'ayäwi

2 Reyes 5:1

Mä chachaw Naamán sat sutini utjäna, jupasti Siria marcana reyin ejercitopana mä generalänwa, uqhamaraquiw jupajj reyina asquit uñjata, munataraquïna, jupa tokew Tatitojj Siria marcarojj atipt'ayäna uca laycu. Ucampis aca chachajj lepra usumpi usutänwa.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 10:15

Ucampisa, ¿hachasti, qhititejj apnakqui ucat sipan juc'ampïspati? ¿Serruchosa qhititejj apnakqui ucat sipansa juc'ampïspati? ¡Cunjämaquitejj thujrojj alek mä lawaqui, jupas jakerojj ucsaru acsaru apcaspa uqhama!

Isaías 37:26

Ucampisa ¿janit jumajj yatcayäta nayan Tatitütajj-jja? ¿Janit yatcta nayan take ucanacjja uqham lurayatajj-jja? Nayra urunacatpachwa uqham lurañanacjja amtayäta, jichhasti ucanac phokhascaractjja; ucatracwa jumas suma perkantata marcanacjja t'unjasctajja, mayjaru montonthapiscaractajja.

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Daniel (hebreo) 4:22

uca kokajj, juma, jach'a reyïtawa, jiltasinsti wali munañanipuniw tuctajja. Jach'a reyin munañapasti alajjpachcamawa purt'araqui, munañanïñapasa take aca orakpacharuw puriraqui.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Juan 19:11

Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 2:19

Cunapachatejj uca jilïrejj jiwjjäna ucqhajja, jupanacajj pachpa jan wali lurañanacaruraquiquiw cutt'apjjäna, uqhamata nayra awquinacapat sipansa juc'ampi jan walinaca tucusina yakha diosanacaru sirvisina, yupaychasina. Jupanacasti janiwa apanucuña munapcänti jan wali lurañanacapa, uqhamarac jan wali sarnakañanacapsa.

Jueces 3:11

Uca khepatsti uca orakenjja pusi tunca marawa samarañajja utjäna. Cenaz sat chachan Otoniel yokapajj jiwjjaraquïnwa.

1 Samuel 12:9

Ucampisa jupanacajj Tatitu Diosatjja armasjjapjjänwa, ucat jupajj Sisaran amparaparu catuyjjaraquïna, jupasti Jabín ejerciton generalapänwa, Hazoran reyipa, filisteonacana, moabitanacan reyinacapampiruw catuyaraquïna, jupanacasti awquinacam contraw nuwasiri sartapjjaraquïna.