Daniel (hebreo) 5:18 - Qullan Arunaca

¹⁸ “Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Aymar Bibliia 1986

¹⁸ “Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Qullan Arunaka DC

¹⁸ “Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Daniel (hebreo) 5:18 Jak'a apnaqawi uñst'ayäwi

2 Reyes 25:28

Ucatjja sumwa juparojj uñjäna, Babilonia marcana mayni reyinacajj utjcäna ucanacat sipansa asquita uñjatänwa.

Salmos 47:2

Tatitojj muspharcañ ajjsarcayawa, take acapachan jach'a Reyipawa.

Salmos 7:17

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Salmos 9:2

Alajjpachanquir Diosay, jumïpan jach'a cusisiñajj utjitu; sutim aytasaw k'ochuracsma.

Salmos 92:8

Jumasti, Tatay, wiñayaw jach'anctajja.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 27:5

Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Lamentaciones 3:35

Tatitun nayrakatapana jaken jacañapa t'unañasa,

Lamentaciones 3:38

Ñankhanacasa, asquinacasa, Tatitun munañapatwa uqham lurasi.

Ezequiel 31:11

Ucatpï nayajj juparojj apanuctjja; jichhajj mä yakha marcanquirin jilïripan amparaparuw jalt'ayaraquëjja, jupasti cunjämarutejj ñankha luratanacapatjja waquisqui uqhamaruw purjjaraquini.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:2

Munaractwa jumanacan yatipjjañanacama, cunja jach'a muspharcañanacatejj alajjpachanquir Diosajj nayampi lurqui ucanaca.

Daniel (hebreo) 4:32

jakenacatjja yakhachatäjjätawa, animalanacampiw jacjjäta, vacjamaraquiw koranac mank'äta pakallko mara phukhasiñapcama, alajjpacha Diosajj jach'a ch'amanïtapa, munañanïtapa take aca orakenquiri marcanacjjaru, uqhamaraqui jupajj apnakerinac utt'ayatapa qhitirutï munqui uc yatiñamcama” sasa.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Daniel (hebreo) 5:21

Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.

Daniel (hebreo) 6:22

Nayan Diosajjajj angelapwa qhitani, juparaquiw leonanacan lacapsa jist'anti jan nayaru cuna ñankhsa lurascañapataqui, Diosasti yatiraquiwa nayanjja jan juchanïtajja, uqhamaraqui juma, jach'a rey, tokesa jan cuna juchsa luratajja —sasa.

Hechos 26:13

Uqham thaquinjam sarcasinjja, rey Agripa, mä jach'a khanaw alajjpachat khant'anitu. Ucqhasti niya chica horasjamänwa. Uca khanasti intit sipansa juc'amp jilt'atänwa. Ucasti nayjjaruraquiw khant'anitu, uqhamarac nayamp chic saririnacjjarusa.

Hechos 26:19

“Ucatwa rey Agripa, nayajj alajjpachat ist'cäyät uca arurojj jaysta.

Hechos 7:48

Janis alajjpachanquir Diosajj jakenacan amparanacapamp lurat templonacan jacchi ucasa, cunjämtï profetajj sisqui uqhama:

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.