Juan 19:11 - Qullan Arunaca

¹¹ Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Aymar Bibliia 1986

¹¹ Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Qullan Arunaka DC

¹¹ Jesusasti juparux sänwa: —Janiw nayatak kuna munañanïkasmasa, janitix Diosax churkiristam ukaxa; ukatpï, khititix jumar katuykitu ukax jumat sipan juk'amp juchaniwa —sasa.

Juan 19:11 Jak'a apnaqawi uñst'ayäwi

1 Crónicas 29:11

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Salmos 62:11

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Lamentaciones 3:37

Cunapachatejj mä cunasa lurasi, jan ucajj parlasisa ucanacajj Tatitun munañapatwa uqham lurasi.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:25

Juma, jach'a reyisti, jakenacatjja yakhachatäjjätawa, animalanacampi chicaw jacaraquïta, vacanacjamaw koranac mank'araquïta, janchimjjarusa sullaw sullantaraquini. Uqhamaw juma, jach'a reyejj, pakallko mara jacäta, alajjpachanquiri Diosajj take acapachan reinonacjjarusa munañanïtapa yatekañamcama, uqhamaraqui jupajj apnakerit utt'ayaraqui qhitirutejj munqui ucaru.

Daniel (hebreo) 4:32

jakenacatjja yakhachatäjjätawa, animalanacampiw jacjjäta, vacjamaraquiw koranac mank'äta pakallko mara phukhasiñapcama, alajjpacha Diosajj jach'a ch'amanïtapa, munañanïtapa take aca orakenquiri marcanacjjaru, uqhamaraqui jupajj apnakerinac utt'ayatapa qhitirutï munqui uc yatiñamcama” sasa.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Daniel (hebreo) 5:21

Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.

Mateo 26:65

Sacerdotenacan jilïripasti mayjt'asiñatjja isip ch'iyanokasïna, saraquïnwa: —Aca jakejj Diosaruw jisc'achi uca arsutapampejja. ¿Cunat juc'amps jupat yakha testigonacajj khanañchaspa? Jumanacajj ist'apjjtawa uca ñankha arunacjja.

Mateo 27:2

Juparusti ñach'antatwa apapjjäna Poncio Pilaton ucarojja.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Marcos 14:44

Jesusar aljantiri Judasasti, jupanacarojj nayra yatiyanitayna: “Qhitirutï nayajj jamp'att'cä ucawa, juparuw catuntapjjäta. Ucatsti jan antutasaraquiw irpanipjjäta” sasa.

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Juan 18:13

Nayrakatajj Anasan utaparuw irpapjjäna. Anasajj Caifasan awcch'ipänwa. Uca marajj Caifasajj sacerdotenacan jilïriparaquïnwa.

Juan 18:3

Uqhamaw Judasajj mä tama soldadonac ant'ataw ucawjaru purini, uqhamarac fariseonacampi sacerdotenacan jilïrinacapampejj templot mä kawkha uñjirinaca qhitancatayna ucanacamp chica. Jupanacajj wali armataw jutapjjäna lamparanaca, nina wiyanacas apt'ata.

Juan 19:10

Ucatwa Pilatojj säna: —¿Janit nayarojj jaysquitäta? ¿Janit yatcta munañanïtajja jumar ch'accatañataqui, uqhamarac antutjjañataquisa? —sasa.

Juan 3:27

Juanasti ucjjarojj saraquïnwa: —Janiw qhitinsa cunas utjcaspati janitejj Diosajj churcaspa ucajja.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Juan 9:41

Ucjjarojj Jesusajj saraquïnwa: —Jumanacatejj juyqhüpjjasmajja janiw juchanïpcasmati. Ucampis ‘Uñjapjjtwa” sapjjatam laycuw juchanïpjjtajja —sasa.

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 3:13

Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: ‘Antutjjä’ sisquipansa, jumanacajj janiw munapctati.

Hechos 4:28

Uqham lurasajj jupanacajj phokhasipquiwa, take cuntejj jumajj nayratpach amtcäyäta lurasiñapataqui uqhamarjama.

Romanos 11:36

Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

Santiago 4:17

Qhititejj asqui lurañ yatqui ucatsti janirac lurquiti ucajja, juch lurasqui.