Jueces 12:3 - Qullan Arunaca Cunjämatejj jumanacajj nanacar jan yanapir jutapjjatam uñjasinjja nanacaquiw amonitanacampi nuwasiri sarapjjta, ucampis Diosawa nanacar atipjayapjjetu. Jichhasti, ¿cunatraqui jumanacasti nanacampi nuwasiri jutapjjtasti? —sasa. Aymar Bibliia 1986 Cunjämatejj jumanacajj nanacar jan yanapir jutapjjatam uñjasinjja nanacaquiw amonitanacampi nuwasiri sarapjjta, ucampis Diosawa nanacar atipjayapjjetu. Jichhasti, ¿cunatraqui jumanacasti nanacampi nuwasiri jutapjjtasti? —sasa. Qullan Arunaka DC Jumanakan nanakar jan yanapt'ir jutapxatam uñjasin, jakañax apt'asirpachaw amonitanakampi nuwasir sarta, Tatitusti atipt'ayituwa. Jichhasti, ¿kunatarak jumanakasti nayampi nuwasir jutapxtasti? —sasa. |
Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.
Jiwañajj waquischini ucasa arsusiscaquïwa, take cuna apt'asirjamäcä ucasa arsusiscaquïwa.
Jacañajjajj jiwañ chijir jalantañampiwa; nayasti janiw yatichäwinacamat armascti.
Jupanacajj jacañapjja mä urojj naya laycojj niyapuniw apt'asipjje, ucatpï jupanacarojj yuspagartjja, janiw naya sapaquiti jan ucasti jan judiöpquis uca iglesianquir takpach jilatanacaw yuspagarapjjaraqui.
Jupanacasti Corderon jiwatap laycuwa atipjapjje, uqhamarac cuna cheka arunactejj jupjjat parlapcänsa uca laycuraqui. Janiraquiw jiwañsa ajjsarapcänti, jiwañataquisa janc'aquïpjjaraquïnwa.
Ucampis nayajj janiw cuna jan wals lurcsmati, jan ucasti jumawa jan wali lurtajja nanacampi nuwasiri jutasinjja. Jichhasti Diosawa cheka uñjir juezajja, jupawa cunjämarusa cheka uñjani israelitanacampiru, amonitanacampirojja” sasa.
Jefté chachasti saraquïnwa: —Nayampi, jakenacajjampi, mä nuwasiñaw amonitanacampejj utjapjjetäna, ucampis nayajja jumanacarojj jawsayapjjsmawa ucatsti janiw nanacar arjjatirejj jutapctati.
Ucatsti Jefté chachajja Galaad sat marcanquir take jakenaca tantacht'asinjja Efraín sat tribunquir jakenacampi nuwasisajja atipjänwa. Efraín sat tribunquir jakenacajj Galaadanquirinacarojj sapjjänwa, Efraín, Manasés taypin jacapcäna ucanacajj, Efraín triburu apanucurinacäpjjew sapjjänwa.
Nayan awquejjasti jumanac laycu nuwasisajj niyaw jacañapsa apt'asi, cunapachatejj madianitanacan t'akhesiyatäñata khespiyañataqui nuwasqui ucqhajja.
jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?
Warmisti uqham Saúl reyiru lokherata uñjasasti, juparu jac'achasisinjja, sänwa: —Aca juman sirvirimajja, mayitamarojj ist'tamwa. Jacañajjsa niyapuniw apt'asta juman mayitamar ist'asajja.