1 Samuel 19:5 - Qullan Arunaca

⁵ jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?

Aymar Bibliia 1986

⁵ jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?

Qullan Arunaka DC

⁵ filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.

1 Samuel 19:5 Jak'a apnaqawi uñst'ayäwi

2 Samuel 23:10

Ucampisa jupajj pachpanwa sayt'asïna, ucatsti filisteonacarojj jiwarayascaquïnwa, karjtañcama, espadapas ayt'ataraquiw karita kheparjjäna. Uca urusti Tatitojj mä jach'a atipjäwi atipjäna. Ucatsti ejercitojj Eleazararuw arcaraquïna, cuntejj uñisirinacat aparanipcatayna ucanac catuntasiñataqui.

1 Crónicas 11:14

jupajja chicachica yapu taypiru sayt'asisinjja nuwasïnwa filisteo jakenacaru atipjasina. Uqhamawa Tatitojj yanapäna jach'apuni atipjayasa.

1 Crónicas 11:18

Ucatsti quimspachani jan ajjsariri chachanacaw filisteonacan campamentoparu mantapjjäna, ucatjja Belén puncuna phuch'uta uma apsunisinwa Davidan ucaru apanipjjäna. Ucampis Davidajj janiw umt'añ muncänti, jan ucasti Tatitutaquiwa mä ofrendjama waranucüna,

Salmos 109:5

Asqui luratajjatjja, ñankhampiw cutt'ayapjjetu, munasiñatsti uñisisiñampiw phokhapjjetu.

Salmos 119:109

Jacañajjajj jiwañ chijir jalantañampiwa; nayasti janiw yatichäwinacamat armascti.

Salmos 25:3

jumar take chuymamp alcatirinacajj janipuniw p'enk tucupcaniti, ina ch'usat jumar kallasir jakenacasti, p'enka tucuñaruw puripjjani.

Salmos 69:4

Ina ch'usat uñisirinacajjajj ñic'utanacajjat juc'amp jilawa; ina ch'usat nayar jaljjatirinacajj ch'aqhanacajjat juc'amp ch'ollkhëpjjewa. Jan lunthatascta ucanac cutiyañajjataquiw wayt'apjjetu.

Salmos 94:21

Jupanacajj asqui jaker ñankha lurañ amtapjje, jan juchan jaker jiwayañataquiw juchañchapjje.

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Jeremías 26:15

Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Mateo 27:24

Cunapachatejj Pilatojj take cunas jan asquiru saratap amuyäna; jan ucasti ch'ajjwanacaw juc'ampi sartäna ucqhasti, uma aptayasinïna, ucatsti amparapjja uca umampiw jarekasïna jakenacan nayrakatapana aqham sasa: —Janiw nayajj cuna juchanïctsa aca jan juchani jaker jiwayañataquejja, jumanacac cunarus tucuyasjjapjjam —sasa.

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Juan 15:25

Ucampis acanacajj pasañapapuniwa, jupanacan ley kellkatanacapan: ‘Alekat uñisipjjetu’ sisqui uca arunacajj phokhasiñapataqui.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Filipenses 2:30

niyaquitejj jiwirjamäjjchïnjja Cristor sirviñ laycu. Jacañapsa niyapuniw nayar yanapt'asin apt'asi, niyaquejjay jumanacajj jani yanapt'iri jutirjamäpcstatejja uca laycu.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Jueces 12:3

Cunjämatejj jumanacajj nanacar jan yanapir jutapjjatam uñjasinjja nanacaquiw amonitanacampi nuwasiri sarapjjta, ucampis Diosawa nanacar atipjayapjjetu. Jichhasti, ¿cunatraqui jumanacasti nanacampi nuwasiri jutapjjtasti? —sasa.

Jueces 9:17

Nayan awquejjasti jumanac laycu nuwasisajj niyaw jacañapsa apt'asi, cunapachatejj madianitanacan t'akhesiyatäñata khespiyañataqui nuwasqui ucqhajja.

1 Samuel 11:13

Ucampisa Saúl waynajj saraquïnwa: —Jichhürojj janiw qhitis jiwayatäcaniti, jichhüru Tatitojj Israel marcaparu khespiyatap laycu —sasa.

1 Samuel 14:45

Marcasti Saúl reyirojj saraquïnwa: —¡Cunjämaraqui Jonatanasti jiwanisti, jupajjay Israel marcarojj mä jach'a atipjäwi churchistojja! ¡Janiw jiwcaspati! ¡Tatitu laycu, janiw mä ñic'utapas orakerojj jalaktcaniti! Cuntejj jichhüru lurqui ucjja Diosan yanapapampiw luraraqui —sasa. Uqhamatwa marcajj Jonatanarojj jiwañat khespiyäna.

1 Samuel 19:6

Saúl reyisti Jonatán yokapan amuyumpi parlatap ist'asinsti, jach'at arsuraquïna: —Tatitun sutipjjaruw juramentompi arsta, janiw Davidajj jiwcaniti —sasa.

1 Samuel 20:32

Ucampisa Jonatanajj saraquïnwa: —¿Cunatsa jupajj jiwanejja? ¿Cuna jan wali luratapas utjejja? —sasa.

1 Samuel 22:14

Ucat Ahimelec sacerdotejj reyirojj saraquïnwa: —¿Juma jach'a munañan reyin take oficialanacamatsti cawquïriraqui, Davidjam cheka chuymanisti, uqhamarusa jupajja juma jach'a munañani reyin tollkaparaquiwa, reyin guardiapan jilïriparaqui, uqhamarac palacionsa wali jach'a jach'añchäwi catokeriraquejja?

1 Samuel 28:21

Warmisti uqham Saúl reyiru lokherata uñjasasti, juparu jac'achasisinjja, sänwa: —Aca juman sirvirimajja, mayitamarojj ist'tamwa. Jacañajjsa niyapuniw apt'asta juman mayitamar ist'asajja.