Jueces 9:17 - Qullan Arunaca

¹⁷ Nayan awquejjasti jumanac laycu nuwasisajj niyaw jacañapsa apt'asi, cunapachatejj madianitanacan t'akhesiyatäñata khespiyañataqui nuwasqui ucqhajja.

Aymar Bibliia 1986

¹⁷ Nayan awquejjasti jumanac laycu nuwasisajj niyaw jacañapsa apt'asi, cunapachatejj madianitanacan t'akhesiyatäñata khespiyañataqui nuwasqui ucqhajja.

Qullan Arunaka DC

¹⁷ Nayan awkixax jumanak layku nuwasisax, niyaw jakañapsa apt'asiwayi, kunapachatix madianitanakamp nuwasis amparapat qhispiyapktam ukkhaxa;

Jueces 9:17 Jak'a apnaqawi uñst'ayäwi

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Romanos 16:4

Jupanacajj jacañapjja mä urojj naya laycojj niyapuniw apt'asipjje, ucatpï jupanacarojj yuspagartjja, janiw naya sapaquiti jan ucasti jan judiöpquis uca iglesianquir takpach jilatanacaw yuspagarapjjaraqui.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Apocalipsis 12:11

Jupanacasti Corderon jiwatap laycuwa atipjapjje, uqhamarac cuna cheka arunactejj jupjjat parlapcänsa uca laycuraqui. Janiraquiw jiwañsa ajjsarapcänti, jiwañataquisa janc'aquïpjjaraquïnwa.

Jueces 12:3

Cunjämatejj jumanacajj nanacar jan yanapir jutapjjatam uñjasinjja nanacaquiw amonitanacampi nuwasiri sarapjjta, ucampis Diosawa nanacar atipjayapjjetu. Jichhasti, ¿cunatraqui jumanacasti nanacampi nuwasiri jutapjjtasti? —sasa.

Jueces 9:16

“Jichhasti nayajj jumanacarojj jisct'apjjsmawa: ¿Jumanacajja cheka suma amuyumpiti Abimelec satarojj reyita utt'ayapjjtajja? Uqhamaraqui, ¿suma uñjañampiti Jerobaal, uqhamarac familiaparus uñjapjjta, cunjämtejj jupajj jumanacaru qhuyapt'ayañampi uñjapctam uqhama?

Jueces 9:18

Ucampis jumanacajja awquejjan familiapa contraw sayt'asinjja pakallk tunca yokanacapwa jiwarayapjjtajja mä kala patjjaruqui. Ucatsti Abimelec sata awquejjan uñt'atapan yokaparuquiw reyita utt'ayasipjjtajja jumanacan familiamätap laycu.

1 Samuel 19:5

jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?