2 Crónicas 13:12 - Qullan Arunaca

¹² Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

Aymar Bibliia 1986

¹² Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

Qullan Arunaka DC

¹² Amuyasipxam, jiwas nayraqatan Diosampi sacerdotenakapampiw ukankasipki, jumanakamp nuwasiñataki trompetanakan phust'asiñapatakix wakicht'atawa. Ukhamasti israelitanaka, janiy nayra awkinakaman Tatit Diosapampi nuwasipxamti, janiw atipjapkätati” sasa.

2 Crónicas 13:12 Jak'a apnaqawi uñst'ayäwi

2 Crónicas 24:20

Ucatsti Joiada sacerdoten Zacarías yokapajja, Diosan Ajayupanïnwa, jupasti patäjja chekawjaru sayt'asisinjja marcarojj sänwa: “Diosajj aqham siwa: ‘¿Cunatsa jumanacajj mandamiento arunacajjarojj jan ist'apquistajja, uqhamarac jumanac pachpa jan walt'añanacjja thakasipjjtajja? ¡Jumanacajj nayar apanucupjjatamatjja, nayajj jumanacarojj apanucupjjaraquïmawa!’ ” sasa.

2 Crónicas 32:8

Jupasti jakenacan ch'amapampiquiwa, ucampis Tatitu Diosasaw jiwasampïsqui, nuwasïwinacasana jiwasaru yanapt'añapataqui” sasa. Ezequías reyin arunacap ist'asinjja, jakenacajja ch'amañchasipjjänwa.

Job 40:9

¿Jumasti nayjama ch'amanïtati? ¿Cuncamasa nayan cuncajj-jjama jach'ata arsuriraquiti?

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Salmos 20:7

Yakhepanacajj nuwasiñ carronacaruw alcatapjje, yakhanacasti walja caballonacaruw chuym uchapjje; jiwasanacasti Tatit Diosasaruw art'asipjjtan.

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Isaías 45:9

Mä ñek'et lurat sañojja, qhititejj lurqui ucampejj janiw ch'ajjwcaspati. Ñek'esti irnakerirojj janiw sisquiti: “Cuns lurascta” sasajja. Janiraquiw ni cuna mä luratasa luririparojj sisquiti: “Jumajj janiw lurañ yatctati” sasajja.

Isaías 54:17

ucampis jumar tucjañäquis uca armjja janiw qhitis jichhacam lurquiti. Qhitinacatejj jumar juchañchapcätam ucanacarojj amuct'ayätawa. Ucwa nayajj churta qhitinacatejj nayar sirvipquitu ucanacarojja: ‘Atipjäwi’ Tatituw ucjja arsu.

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Jeremías 50:24

“Babilonia, jumapachaw mä sipita uscusisctajja, jan amuyasispacharaquiw ucaru jalt'tajja. Jichhajj uca sipitan catuntataw uñjastajja Tatitutac sayt'atam laycu.”

Ezequiel 17:9

“Jichhasti nayan sutejjaru jupanacarojj saraquim: ‘Aqham siw Tatitojja: Aca uva alejj janiw jiltcaniti, nayrïri pacaw juparojj saphinacapa jiq'irani, achunacapsa willirtayaraquini. Juc'a ch'amampi, mä juc'a jakenacampiquiw saphinacapjja jiq'iraraquini, take machaka cülltatanacapasti wañsjjaquiraquiniwa.

Zacarías 10:5

Soldadonacajj cunjämtï guerranjja callenacanjj ñek'e tacsuwayapjjejja uqhamäniwa; nuwasipjjaniwa Tatitojj jupanacampïscatap laycu, caballot saririnacarusti mä p'enkwa uñjasiyapjjaraquini.

Números 14:41

Ucampisa Moisesajj jupanacarojj sänwa: —¿Cunatsa Tatitun arunacaparojj jan ist'apcta? ¡Uca amtäwejja inaruw tucuni!

Números 23:21

Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Números 31:6

Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

Hechos 5:39

Diosancchi ucasti, janiw jumanacajj cuns camachapcasmati. Amuyt'asipjjam. Ucatrac Dios contra sayt'asipcasma —sasa.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Deuteronomio 20:4

jan ucasti jumanacan Tatitu Diosamaw jumanacampïsqui; ucatsti jupaw uñisirinacamampi nuwasiscani, jupanacarusti atipjapjjaraquïtawa’ sasa.

Deuteronomio 28:29

Ucatsti urunsa catt'asitaw sarnakäta cunjämas mä juyqhojj sarnake uqhama. Janiraquiw cuna luratamas sumäcaniti. Catuntata, t'akhesiyata, uqhamaraqui sallkjatapuniw uñjasïta, janiw qhitis yanapt'iri jutcaraquïtamti.

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.