Juan 9:16 - Qullan Arunaca

Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.

Aymar Bibliia 1986

Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.

Qullan Arunaka DC

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,

Juan 9:16 Jak'a apnaqawi uñst'ayäwi

Mateo 12:10

Ucansti mä ampar pharsuta jakew ucancäna. Jesusaru aynacht'ayañ munasinsti, aqham sasaw jisct'apjjäna: —¿Waliquïsquiti mä usutaru samarañ uruna c'umaraptayañajja? —sasa.

Mateo 12:2

Ucanac uñjasinjja fariseonacajj Jesusarojj sapjjänwa: —Uñjam, aca discipulonacamajj samarañ urun jan lurañäquis ucwa lurapjje —sasa.

Lucas 13:14

Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.

Juan 10:19

Judionacajj aca arunac ist'asinjja, wasitampiw jupanac pura t'akjtapjje.

Juan 14:11

Nayajj Awquinctwa, Awquisti nayampiraquiwa ucjja iyawsapjjeta, jan ucajj luratanacajj uñjasinacsa iyawsapjjeta.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 2:11

Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 5:10

Judionacasti uca kollat jakerojj sapjjänwa: —Jichhürojj samarañ uruwa. Janiw iquiñam apañamajj waquisquiti —sasa.

Juan 5:36

Ucampis Juanan arsutapat sipansa juc'amp suma khanañchäwiwa nayat utjitu. Cunanactejj nayajj lurcta ucajja, Awquejjajj churquitu lurañajjataqui uca pachpawa. Uca luräwinacajjaraquiw khanañchi Awquejjajj nayar qhitanquitu ucatjja.

Juan 6:52

Judionacasti uc ist'asinjja jupanac puraw ch'ajjwthaptapjjäna: —¿Cunjäms acajj pachpa janchipat mank'ayistaspajja? —sasa.

Juan 7:12

Walja jakenacaw jupjjat parlapjjäna. Mayninacajj sapjjänwa: “Suma jakewa” sasa; ucampis mayninacajj sapjjaraquïnwa: “Janiw wali jakequiti, jakerojj sallkjiwa” sasa.

Juan 7:23

Jichhasti waliquiwa, jumanacajj Moisesan leyip jan p'aquintañ munasinwa samarañ urüquipansa wawarojj circuncidapjjtajja, uqhamajj ¿cunatsa nayatakejj colerasipjjta samarañ urun mä chacharu takpach janchip kollatajj laycojja?

Juan 7:43

Uqhamasti jakenacajj Jesús laycojj t'akjtawayapjjänwa.

Juan 9:24

Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Hechos 14:4

Ucampis uca marcanquir jakenacajj payaruw t'akjtäna, chicatajj judionacar jakcattasa, chicatasti apostolonacar jakcattasaraqui.