Juan 15:24 - Qullan Arunaca

²⁴ Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Aymar Bibliia 1986

²⁴ Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Qullan Arunaka DC

²⁴ Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

Juan 15:24 Jak'a apnaqawi uñst'ayäwi

Salmos 81:15

Tatitur uñisirinacajj ajjsarañat liwirtapjjaspa, juchañchäwipasti jan mayampitaquïspawa.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Proverbios 8:36

Ucampis qhititï nayar jan jicjjatquitu ucajja, jacañapwa aynacht'añaru apasqui; ¡nayar take uñisirinacasti jiwaruwa munasipqui!”

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 21:32

Bautisiri Juanajj jutänwa cunjämatejj jumanacan jacañamajj waquisqui ucanac yatichasa. Ucampis jumanacajj janiw juparojj iyawsapctati, jan ucasti uca impuesto cobririnacasa, uqhamarac uca walja chachanacampi sarnaker warminacasa iyawsapjjänwa. Jumanacasti ucanac uñjasinsa jan wali lurañanacamatjja janiw arrepientisiñ munapctati.

Mateo 9:33

Ñankha ajayurojj Jesusajj ankaruw alissüna, uca jakesti ucspacharaquiw parlañ kalltäna. Jakenacasti wal muspharapjjäna, sapjjaraquïnwa: —Janipuniw cunapachas uqham uñjirïctanti aca Israel marcanjja —sasa.

Marcos 2:12

Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.

Lucas 24:19

Ucapachaw Jesusajj jupanacarojj jisct'äna: —¿Cunarac pasisti? —sasa. Jupanacasti sapjjänwa: —Nazaretanquir Jesusajja wali ch'aman profetänwa, luräwinsa, arunsa Dios nayrakatana, uqhamarac jakenac nayrakatansa.

Juan 10:32

Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Juan 10:37

Janitejj nayajj Awquejjan lurañap lurquiristjja ucajja, jan iyawsapjjestati.

Juan 12:10

Ucatsti sacerdotenacan jilïrinacapajj amtapjjaraquïnwa Lazarompir cuna jiwayaña,

Juan 12:45

Qhititejj nayar uñjquitojja, qhitanquitu ucarojj uñjaraquiwa.

Juan 14:9

Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: ‘Awquiru uñacht'ayapjjeta’ sasajja?

Juan 15:21

Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Juan 15:22

“Janitejj nayajj jupanacar parliri jutquiriscäyäta ucajja, janiw juchañchatäpcasapänti, ucampis jichhajj juchanacapatjja juchañchatäpjjapuniniwa.

Juan 15:23

Qhitinacatejj nayar uñisipquitu ucanacajja, Awquejjarojj uñisiraquiwa.

Juan 16:9

Juchanïpjjewa nayar jan iyawsapjjatap laycu.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 5:36

Ucampis Juanan arsutapat sipansa juc'amp suma khanañchäwiwa nayat utjitu. Cunanactejj nayajj lurcta ucajja, Awquejjajj churquitu lurañajjataqui uca pachpawa. Uca luräwinacajjaraquiw khanañchi Awquejjajj nayar qhitanquitu ucatjja.

Juan 6:36

Ucampis cunjämtï sapjjsmajja, jumanacajj uñjcasinsa janiw iyawsapctati.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 9:32

Janiw cunapachas aqham ni qhititsa ist'asirïquiti: ‘Nacïwipatpach juyqhu jakeruw kollatayna’ siri.

Juan 9:41

Ucjjarojj Jesusajj saraquïnwa: —Jumanacatejj juyqhüpjjasmajja janiw juchanïpcasmati. Ucampis ‘Uñjapjjtwa” sapjjatam laycuw juchanïpjjtajja —sasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

Romanos 1:30

Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,

Deuteronomio 5:9

Janiw ucanacar quillt'asïtati ni yupaycharaquïtasa; nayätwa Diosamajja wali ch'amani, janiraquiw muncti yakhampïpjjañamsa. Awquinacan juchanacapatsti wawanacan wawanacaparuw azot'iraquëjja, qhitinacatejj uñisipquitu ucanacaru.

2 Timoteo 3:4

Aljantasirïpjjaraquiniwa, jan ajjsarasaw cuna jan walsa arsupjjaraquini, jach'a jach'a tucuñampi phokhantatäpjjaraquiniwa, jupanacan pachpa munañanacapacwa thakapjjani Diosan munañap thakañat sipansa.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.