Juan 8:43 - Qullan Arunaca

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

Aymar Bibliia 1986

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

Qullan Arunaka DC

Jumanakax janiw arsutanakax amuyt'añ munapktati, nayan arsutaxar jan ist'añ munapxatam layku.

Juan 8:43 Jak'a apnaqawi uñst'ayäwi

Proverbios 28:5

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Isaías 44:18

Uca jakenacajj janiw yatipquiti, janiraquiw amuyt'apquisa, nayranacapas juyqhuwa, janiraquiw uñjapcaraquiti, amuyunacapas k'ala ch'amact'atawa, janiw amuyt'apcaraquisa.

Isaías 6:9

Jupasti saraquituwa: “Saram, ucatsti aca marcarojj aqham saraquim: ‘Ist'apcanisa, janiw amuyt'apcaniti, uñjapcanisa, janiw amuyt'apcaniti’ sasa.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Miqueas 4:12

Ucampis uca marcanacajj janiw yatipquiti Diosan amuyañanacapjja, uqhamarac amtatanacapsa; janiw yatipquiti cunjämtejj Diosajj jupanacarojj trigor uñtata pich pichu jawk'suñataqui apthapcani ucjja.

Mateo 13:15

Aca jakenacan chuymanacapasti chhaktayatawa, jinchunacapasa llupantatawa, nayranacapasti jist'antataraquiwa; uqhamat jan uñjapjjañapataqui, jinchunacapas jan ist'apjjañapataqui, janiraqui chuymanacapansa amuyt'apjjañapataqui, jan nayan ucarus cuttaniñapataqui, nayasti jupanacarojj janiw c'umaraptaycäti.’

Juan 5:25

Khanacwa sapjjsma, horasajj puriniwa, jichhpacharaquiwa, jiwatanacajj Diosan Yokapan arupjja ist'apjjani, qhitinacatejj ist'apcani ucanacajja jacapjjaniwa.

Juan 5:43

Nayajj Awquejjan qhitanitaw jutta, jumanacasti janiw catokapquistati; ucampis maynitejj jupa pachpat jutaspa ucarojj catokapjjasmawa.

Juan 6:60

Aca yatichäwinac ist'asinjja waljaniw Jesusan arquirinacapat sapjjäna: —Ch'amaw aca arunacap iyawsañajja, ¿qhitirac juparusti ist'ani? —sasa.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Juan 8:27

Ucampis jupanacajj janiw amuyapcänti Awquit parlatapjja.

Juan 8:33

Jupanacasti sapjjaraquïnwa: —Nanacajj Abrahaman wawanacapäpjjtwa, janiw cunapachas esclavöpjjerïcti. ¿Cunjämsa jumajj arsta: ‘Khespiyatäjjapjjätawa’ sasa?

Juan 8:39

Jupanacajj sapjjaraquïnwa: —Nanacan awquejjajj Abrahamawa —sasa. Jesusasti jupanacarojj sänwa: —Jumanacatejj chekpachansa Abrahaman wawanacapäpjjasmajja, lurapjjasmawa cuntejj jupajj lurcäna uca.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Romanos 3:11

Janiw utjquiti mayni amuyt'irisa. Janiraquiw maynis Diosar thakerejj utjcaraquiti.