Oseas 14:9 - Qullan Arunaca

⁹ Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Aymar Bibliia 1986

⁹ Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Qullan Arunaka DC

⁹ 9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Oseas 14:9 Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Job 17:9

Jupanacajj asquitwa uñt'asipjje, jan cuna jucha luririw tucupjjaraqui.

Salmos 107:43

Ch'iqhi jakejj ucanac amuypan, Tatitun qhuyapayasiñap amuyt'aracpan.

Salmos 119:128

Ucat arsutanacamarjamajj sarnakta, c'ari sarnakañarusti uñistwa.

Salmos 119:75

Tatay, arsutanacamajj chekapawa, ucarjamaw nayarojj t'akhesiyista.

Salmos 84:5

Juman ch'amam catokerinacajj cusisiñanïpjjewa, kollumcam puriñ munirinacajj cusisiñanïpjjewa.

Salmos 84:7

ch'amanacapajj jiljjataniwa, Sión marcansti Diosaruw uñjapjjani.

Proverbios 10:29

Asqui luririnacarojj Tatitojj imiwa, ucampis jupajj jan wali luririnacarojj tucjiwa.

Proverbios 16:21

Qhititejj yatiñampi amuyt'qui ucajja, ch'iqhi jaketa uñt'atawa; suma arumpi parlañasti sumwa amuyt'ayi.

Proverbios 4:18

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Isaías 1:28

Ucampisa nayataqui sayt'asirinacampiru, juchararanacampirusti acch'a acch'a tucjä, nayar apanucurinacasti jiwarapjjaniwa.

Isaías 17:8

Janiw uca urunacanjja cuntejj jakenacajj pachpa amparanacapampi lurasipcäna uca altaranacaru uñtjjaniti ni cunanacarusa. Janiw juc'ampi uca ajjsarañ c'ullunacar uñch'ucjjapjjaniti, ni uca altaranacarusa cawqhantejj inciensonaca diosanacaparu loktasipcänjja uca chekanacaru.

Isaías 26:7

Asqui jakenacan sarnakäwinacapajj chekapawa; Tata, jumaraquiw jupanacan thaquipsa qhusqhachtajja.

Jeremías 29:12

Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

Jeremías 9:12

¿Qhitis wali amuyt'anejja take acanac amuyt'añataquejja? ¿Qhitirus Tatitojj take acanac yatiyi, mayninacaru yatiyañapataqui? ¿Cunatsa aca marcajj k'ala t'unjata uñjasi, waña mä wasarar uñtata, cawqhantejj jan qhitis pasqui uqhama?

Ezequiel 11:18

Jupanacajj marcaparu cuttanjjasinsti, cuna ajjtascaña luräwinacatejj ucan utjqui ucanacsti k'alwa tucjapjjaraquini.

Ezequiel 18:25

Jumanacajj sapjjätawa: ‘Tatitojj janiw chekaparu uñjquiti’ sasa, ucampisa ist'am Israel marca: ¿Jumanacasti amuyapjjtati nayan jan chekaparu uñjascatajja? ¿Janit jumanacaqui jan chekaparu cunanacsa lurapcta?

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Daniel (hebreo) 12:10

Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Zacarías 10:6

Tatitojj siwa: “Nayaw ch'am churäjja Judá familiat jutirinacarojja, José familiat jutirinacarusti khispiyaraquïwa. Wasitatwa orakeparojj irpjjaraquëjja, qhuyapayasiñajjajj jupanacatac utjatap laycu. Janipunis nayajj jan ist'iri tucuriscäyäta uqhamaw tucjjapjjanejja, nayajj Tatitu Diosapätap laycu, ist'aractwa mayisitanacaparusa.

Mateo 11:19

Ucjjarusti naya, Jaken Yokaparaquiw, jutta. Nayasti mank'aractwa, umaractwa. Ucatsti jumanacajj sapjjaraquistawa: ‘Ancha mank'eriw, umiriraquiw, impuesto cobririnacana, uqhamarac juchararanacampin amigopaw’ sasa. Ucampis Diosan yatiñapajj luräwinacap tokew uñacht'ayasi.”

Lucas 2:34

Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Lucas 7:23

¡Cusisiñaniwa nayaru arcasina jan mayjt'asirejja! —sasa.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 8:47

Qhititejj Diosanquirïqui ucajja, Diosan arunacapjja ist'iwa, ucampis jumanacajj janiw Diosanquirïpctati, ucatpï Diosan arupjja jan ist'añ munapctatejja —sasa.

Juan 9:39

Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

Romanos 7:12

Ucampis uca leyejj chekpachansa kollanawa, camachisti kollanaraquiwa ucatsti asquiraqui sumaraquiwa.

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.