Mateo 13:15 - Qullan Arunaca

¹⁵ Aca jakenacan chuymanacapasti chhaktayatawa, jinchunacapasa llupantatawa, nayranacapasti jist'antataraquiwa; uqhamat jan uñjapjjañapataqui, jinchunacapas jan ist'apjjañapataqui, janiraqui chuymanacapansa amuyt'apjjañapataqui, jan nayan ucarus cuttaniñapataqui, nayasti jupanacarojj janiw c'umaraptaycäti.’

Aymar Bibliia 1986

¹⁵ Aca jakenacan chuymanacapasti chhaktayatawa, jinchunacapasa llupantatawa, nayranacapasti jist'antataraquiwa; uqhamat jan uñjapjjañapataqui, jinchunacapas jan ist'apjjañapataqui, janiraqui chuymanacapansa amuyt'apjjañapataqui, jan nayan ucarus cuttaniñapataqui, nayasti jupanacarojj janiw c'umaraptaycäti.

Qullan Arunaka DC

¹⁵ Aka jaqinakan chuymapax qalaratawa, jinchunakapas jan ist'añatak llupantatawa, nayranakapas jan uñjañatak jist'antatawa; jan amuyt'apxañapataki, nayan ukar jan kuttaniñapataki, ukhamat nayan jupanakar jan qhispiyañaxataki’.

Mateo 13:15 Jak'a apnaqawi uñst'ayäwi

Salmos 119:70

Jupanacan amuyt'anacapajj ch'amact'atawa, nayasti yatichäwimampiw cusista.

Proverbios 16:30

Nayranacapsa ch'irmt'araquiwa jan walinaca lurañatac amtan jakejja; lacapsa achurasiraquiwa jan walinac lurasajja.

Isaías 44:20

Chekpachansa khellsa mank'caspa uqhamawa. Uca lurañajj c'ari amuyunacampi sallkjayasiñawa. Uca jakenacasti janiw khespiyasipcaniti. Janiraquiw amuyt'asipcanisa cunatejj jupanacan amparapan utjqui ucajj c'aricamaquïtapa.

Isaías 57:18

Sarnakäwipjja uñjtwa, ucampis nayajj kolljjatäwa, samarañ churaraquï, chekpachansa samarataraquiw uñjasjjanejja. Llaquitanacarusti nayaw chuymachäjja,

Isaías 6:10

Aca marcan amuyupsti chhaktayam, jinchunacapsti llupt'araquim, nayranacapsa ch'okantam, jan uñjapjjañapataqui ni ist'apjjañapataquisa, ni amuyt'apjjañapataquisa, uqhamat jan nayaru cuttanipjjañapataqui, nayas janiraquiw jupanacarojj kollcäti” sasa.

Jeremías 17:14

Tata, jumaquiy kolljjatt'ita, ucatsti kollatäyäwa; jumay khespiyita, ucatsti khespitaw uñjasï, juma saparuquiw yupaycharacsma.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 33:6

Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Zacarías 7:11

Ucampis marcajj janiw ist'asiñ munquiti. Takeniw cutt'awayjjapjje, okararaquiw tucupjje.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Marcos 4:12

uñjcasinsa jan uñjapjjañapataqui, ist'casinsa jan amuyt'apjjañapataqui, janirac Diosar cutiquipstasin juchanacapsa perdonatäñapataqui —sasa.

Lucas 19:42

saraquïnwa: —¡Jichhüru urumanacsa suma amuyt'asisma cunatejj jumarojj sumancañ churiristam ucjja! Ucampis jichhajj imantataw ucajja, janiw uñjcasmati.

Hechos 28:27

Jakenacan chuymanacapasti kalaratäjjewa, jan wal ist'apjje, nayranacapasti ch'irmthapitaraquiwa, jan uñjapjjañapataqui, jinchunacapampi jan ist'apjjañapataqui, chuymanacapampis janirac amuyt'apjjañapataqui, jupanacajj janiraqui naya toker cuttanipcpanti kollatäpjjañapataqui.’

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

Hechos 7:57

Uqham ist'asinsti, jupanacajj jach'at warartatapjjäna. Jinchunacapsa llupantasipjjaraquïnwa. Ucatsti mayac Estebanarojj catuntapjjäna.

2 Timoteo 4:4

Cheka arunacataquejj mayswa uñtapjjani, ucat sipana c'ari arunacaruw ist'apjjani.

Hebreos 5:11

Aca toketjj waljaw sañasajj utjasqui, ucampis ch'amaw uc amuyt'ayañajja, jumanacasti janiw ucjja mäqhi amuyt'apctati.

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.