Miqueas 4:12 - Qullan Arunaca

¹² Ucampis uca marcanacajj janiw yatipquiti Diosan amuyañanacapjja, uqhamarac amtatanacapsa; janiw yatipquiti cunjämtejj Diosajj jupanacarojj trigor uñtata pich pichu jawk'suñataqui apthapcani ucjja.

Aymar Bibliia 1986

¹² Ucampis uca marcanacajj janiw yatipquiti Diosan amuyañanacapjja, uqhamarac amtatanacapsa; janiw yatipquiti cunjämtejj Diosajj jupanacarojj trigor uñtata pich pichu jawk'suñataqui apthapcani ucjja.

Qullan Arunaka DC

¹² Ukampis uka markanakax janiw Tatitun amuyunakapsa, amtatanakapsa yatipkiti; kunjämtix Tatitux jupanakarux trigor uñtat pich pichu jawq'suñatak apthapkani ukxa.

Miqueas 4:12 Jak'a apnaqawi uñst'ayäwi

Salmos 147:19

Tatituw Jacoborojj arunacap yatiyi, Israel marcarusti leyinacapamp arsutanacapamp churaraqui.

Salmos 147:20

Janiw cawquïr marcampis uqhäm lurcänti, qhä marcanacajj janipuniw arsutanacap uñt'apcänti. ¡Tatitojj jach'ar aptatäpan!

Isaías 10:7

Ucampis Asirianquir reyejj janiw uqham lup'quiti, ni ucsa amtcaraquiti. Jan ucasti jupajj t'unjañacpunwa amtasqui, uqhamaraqui walja marcanacar chhaktayañac lup'isqui.

Isaías 21:10

Nayan marcajja, trigor uñtata tacsuta, cuntejj ist'cäyät ucracwa jumarojj yatiyämajja, take ch'amani Tatituta, Israelan Diosapata ist'cäyät ucwa yatiyäma.

Isaías 29:7

Take uca walja marcanacasti qhitinacatejj Arielar nuwapqui, uqhamaraqui sayt'asiña chekanacapsa t'unjapqui, uca pachpanraqui t'akhesiyapjje, ucanacajj mä uñjäwi, aruma icjamaquiw tucusiwayapjjani.

Isaías 55:8

Nayan amtatanacajjasti janiw jumanacan amtatanacamjamäquiti, luräwinacajjas janiraquiw jumanacan luräwinacamjamäquiti.” Tatituw uqhamjja arsu.

Jeremías 29:11

Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Jeremías 51:20

“¡Babilonia, jumajj nayan amparajjanjja mä jach'a martilljamätawa!, guerran nuwasiña armajjaraquïtawa. Jumampiw marcanacsa, reyinacan apnakañanacapsa t'unjaractjja.

Jeremías 51:33

Take ch'amani Tatitojja, Israelan Diosapajj aqham satap laycu: “¡Babiloniajj trigo jawk'añ orakjamawa, jawk'a horasan tacsuta orakjamawa, janc'aquiraquiw juparojj cosecha horasajj purinini!” sasa.

Joel 3:2

Take marcanacaruw tantacht'äjja, ucatsti Josafat valleruraquiw apäjja, ucanwa jupanacarojj uñt'asiyäjja take cuntejj Israel marcajjampejj lurapqui take ucanacatjja. Israelitanacarusti jupanacajj take tokeruwa ananucupjjejja, orakejjsti jaljasipjjaraquiwa.

Lucas 3:17

Jupasti niya wayrachayiri ayt'ataraquiwa jipit trigo k'omachañataquejja. Trigsti pirwaruw apthapini, ucampis jipjja jan jiwarir ninaruw phichantani —sasa.