Juan 5:25 - Qullan Arunaca

²⁵ Khanacwa sapjjsma, horasajj puriniwa, jichhpacharaquiwa, jiwatanacajj Diosan Yokapan arupjja ist'apjjani, qhitinacatejj ist'apcani ucanacajja jacapjjaniwa.

Aymar Bibliia 1986

²⁵ Khanacwa sapjjsma, horasajj puriniwa, jichhpacharaquiwa, jiwatanacajj Diosan Yokapan arupjja ist'apjjani, qhitinacatejj ist'apcani ucanacajja jacapjjaniwa.

Qullan Arunaka DC

²⁵ Qhanak sapxsma, pachax puriniwa, jiwatanakax jichhpachaw Diosan Yuqapan arup ist'apxani; ist'irinakasti, jakapxaniwa.

Juan 5:25 Jak'a apnaqawi uñst'ayäwi

Lucas 15:24

Aca wawajjasti jiwatänwa, jichhasti jactanjjewa; chhakatänwa, jichhasti jicjjatatäjjewa’ sasa. Ucat fiesta lurañ kalltapjjäna.

Lucas 15:32

Ucampis jichhajj waquisiw fiesta lurañajja, cusisiñasasa, jilamasti jiwatänwa, jichhasti jactanjjewa: chhakatänwa, jichhasti jicjjatatäjjewa’ ” sasa.

Lucas 9:60

Jesusajj juparojj sascaquiwa: —Jiwatanacajj jiwat masiparojj imascpan sam. Jumasti saram, ucatsti Diosan reinopat yatiyanim —sasa.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 17:1

Ucanac arsusinjja Jesusajj alajjpachwa uñti, ucatsti sänwa: —Awqui, horasajj purinjjewa. Yokamar jach'añchamaya, Wawamajj jumaru jach'añchañapataquiraqui.

Juan 4:21

Jesusasti saraquïnwa: —Warmi, ac siscsma ucajj chekawa, jan aca kollur ni Jerusalenar sarasin Diosar yupaychaña horasajj niyaw purinini.

Juan 4:23

Ucampis horasajj puriniwa, anchhichhawa, Awquiru chekpach yupaychirinacajj Ajayun, uqhamarac cheka cancañampin yupaychapjjani. Awquejj uqhamwa yupaychayasiñ muni.

Juan 5:21

Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa.

Juan 5:28

Jan muspharapjjamti ac arsutajjatjja, horasajj purininiwa take jiwatanacasti arupjj ist'apjjaniwa.

Juan 6:60

Aca yatichäwinac ist'asinjja waljaniw Jesusan arquirinacapat sapjjäna: —Ch'amaw aca arunacap iyawsañajja, ¿qhitirac juparusti ist'ani? —sasa.

Juan 8:43

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

Juan 8:47

Qhititejj Diosanquirïqui ucajja, Diosan arunacapjja ist'iwa, ucampis jumanacajj janiw Diosanquirïpctati, ucatpï Diosan arupjja jan ist'añ munapctatejja —sasa.

Juan 9:27

Jupasti ucjjarojj saraquïnwa: —Niya sapjjsmawa, jumanacajj janiw ist'apquistati. ¿Cunatsa wasitamp parlayañ munapjjesta? ¿Jumanacajj arcañjj munapjjaractacha? —sasa.

Romanos 6:4

Chekpachansa Cristompi chicaw bautismo toke jiwasanacajj imantatäjjtanjja, ucatsti jiwatäjjaractanwa, ucat jactasina mä machak jacañan jacañataqui, cunjämtejj Cristojj jactawaycäna Dios Awquin jach'a ch'amap laycu uqhama.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

Apocalipsis 3:1

“Sardis iglesiancquis uca angelaru kellkasin apayaraquim: ‘Aqham siw Diosan pakallko ajayupanïqui, uqhamarac pakallko warawaranïqui ucajja: ‘Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.