“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.
Juan 5:10 - Qullan Arunaca Judionacasti uca kollat jakerojj sapjjänwa: —Jichhürojj samarañ uruwa. Janiw iquiñam apañamajj waquisquiti —sasa. Aymar Bibliia 1986 Judionacasti uca kollat jakerojj sapjjänwa: —Jichhürojj samarañ uruwa. Janiw iquiñam apañamajj waquisquiti —sasa. Qullan Arunaka DC judionakasti k'umaraptir jaqirux sapxänwa: —Jichhürux sábado uruwa; janiw ikiñam apañamax wakiskiti —sasa. |
“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.
Tatitusti siwa: Jumanacan jacañanacama laycusay, samarañ urunjja jan carga apapjjamti, janiraqui Jerusalén marcan puncunacap toksa apantapjjamti.
Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”
Ucansti mä ampar pharsuta jakew ucancäna. Jesusaru aynacht'ayañ munasinsti, aqham sasaw jisct'apjjäna: —¿Waliquïsquiti mä usutaru samarañ uruna c'umaraptayañajja? —sasa.
Fariseonacasti uc uñjasinjja Jesusarojj sapjjänwa: —Uñjam, ¿cunatsa discipulonacamajj samarañ urunjj jan waquisqui uc lurapjje?
Ucatsti Jesusajj jakenacarojj jisct'araquïnwa: —¿Cuna lurañas waquisi samarañ urunjja, asqui lurañat jan ucajj ñankha lurañacha? ¿Kollañati jan ucajj jiwayañacha? —sasa. Jakenacasti amuquïpjjänwa.
Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.
Utar cuttanjjasinsti suma k'apquir kollanac waquiyapjjäna. Samarañ urusti samarapjjänwa camachi arunacarjama.
Yakhep fariseonacasti uc uñjasinjja Jesusarojj jisct'apjjänwa: —¿Cunats jumanacajj uqham lurapjjta cunatejj samarañ urunjj jan waquisqui ucjja? —sasa.
Jerusalenanquir judionacajj qhitapjjänwa sacerdotenacampiru levitanacampiru Juanan ucaru, qhitïpachasa uc jisct'añataqui.
Jupasti saraquïnwa: —Kollquitu ucasti situwa: ‘Iquiñama apthapisjjam ucatsti sarjjaraquim’ sasa.
Uca jakesti sarawayjjänwa ucatsti judionacaruw yatiyi, Jesusan jupar kollatapa.
Ucatwa judionacajj Jesusar arcnakapjjäna, jiwayañsa munapjjaraquïna, uqham samarañ urun luratap laycu.
Jichhasti waliquiwa, jumanacajj Moisesan leyip jan p'aquintañ munasinwa samarañ urüquipansa wawarojj circuncidapjjtajja, uqhamajj ¿cunatsa nayatakejj colerasipjjta samarañ urun mä chacharu takpach janchip kollatajj laycojja?
Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.