Lucas 6:2 - Qullan Arunaca

² Yakhep fariseonacasti uc uñjasinjja Jesusarojj jisct'apjjänwa: —¿Cunats jumanacajj uqham lurapjjta cunatejj samarañ urunjj jan waquisqui ucjja? —sasa.

Aymar Bibliia 1986

² Yakhep fariseonacasti uc uñjasinjja Jesusarojj jisct'apjjänwa: —¿Cunats jumanacajj uqham lurapjjta cunatejj samarañ urunjj jan waquisqui ucjja? —sasa.

Qullan Arunaka DC

² Fariseonakasti uk uñjasax Jesusaruw jiskt'apxäna: —¿Kunatarak jumanakasti kunatix sábado urun jan lurañäki uk lurapxtasti? —sasa.

Lucas 6:2 Jak'a apnaqawi uñst'ayäwi

Éxodo 22:10

“Uca quipcarac maynitejj masiparu catuyascchi asnsa, vacsa, ovejsa, jan ucajj cuna uywsa; ucatsti uca uywatejj jiwjjchi, usuchjatächisa, jan ucajj lunthatas lunthatchi, ucatsti jan qhitisa uñjcchiti ucajja,

Éxodo 31:15

Jumanacasti sojjta uruwa irnakapjjañamajja, ucampis pakallko urojja samaraña uruwa Tatitur loktat uru. Uca laycusti qhititejj uca uruna cunsa lurani ucajja jiwayatäñapawa.’

Éxodo 35:2

Sojjta uru irnakasaw cunanacsa lurañasa, ucampis pakallko urusti jumanacataquejj kollanäniwa, samarasa Tatitur jach'añchañ ururaqui. Ucampis qhititejj uca urojj cunsa lurcani ucajja jiwayatäñapawa.

Isaías 58:13

“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.

Mateo 12:2

Ucanac uñjasinjja fariseonacajj Jesusarojj sapjjänwa: —Uñjam, aca discipulonacamajj samarañ urun jan lurañäquis ucwa lurapjje —sasa.

Mateo 15:2

—¿Cunatsa juman discipulonacamajj nayra awquinacasan yatichäwipjja jan phokhapquejja? Janiraquis mank'añataquejj amparanacapjja jarekasipquitejjä —sasa.

Marcos 2:24

Fariseonacasti uc uñjasinjja Jesusarojj sapjjänwa: —Uñjam, ¿cunatsa discipulonacamajj samarañ urunjj jan waquisqui uc lurapjje?

Lucas 5:33

Ucapachaw jupanacajj Jesusar jisct'apjjäna: —¿Cunatarac Juanan arquirinacapampi, fariseonacan arquirinacapampisti wal ayunapjjesti uqhamarac oracionanacs lurapjjaraqui, ucampis discipulonacamajj mank'asipqui umasipqui uqhamaquiraquisä? —sasa.

Juan 5:16

Ucatwa judionacajj Jesusar arcnakapjjäna, jiwayañsa munapjjaraquïna, uqham samarañ urun luratap laycu.