Juan 5:10 - Qullan Arunaka DC

¹⁰ judionakasti k'umaraptir jaqirux sapxänwa: —Jichhürux sábado uruwa; janiw ikiñam apañamax wakiskiti —sasa.

Aymar Bibliia 1986

¹⁰ Judionacasti uca kollat jakerojj sapjjänwa: —Jichhürojj samarañ uruwa. Janiw iquiñam apañamajj waquisquiti —sasa.

Qullan Arunaca

¹⁰ Judionacasti uca kollat jakerojj sapjjänwa: —Jichhürojj samarañ uruwa. Janiw iquiñam apañamajj waquisquiti —sasa.

Juan 5:10 Jak'a apnaqawi uñst'ayäwi

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Jeremías 17:21

Tatitux siwa: Jumanakan jakañanakam laykusay, sábado urun jan kuna q'ipinaksa apapxamti, janiraki Jerusalén markan punkunakap chiqsa apantapxamti.

Jeremías 17:27

Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Mateo 12:10

Ukansti ampar pharsut mä jaqiw ukankaskäna; Jesusar aynacht'ayañatakiw akham sas jiskt'apxäna: —¿Sábado urun mä usutar k'umaraptayañax walikïskiti? —sasa.

Marcos 2:24

Fariseonakasti uk uñjasin Jesusarux sapxänwa: —Uñjam, ¿kunatsa yatiqirinakamax sábado urun jan wakiski uk lurapxi? —sasa.

Marcos 3:4

Ukatsti Jesusax mayninakaruw jiskt'äna: —¿Kuna lurañas wakisi sábado urunxa, aski lurañati jan ukax ñanqha lurañacha? ¿Qullañati jan ukax jiwaskpan sañacha? —sasa. Jaqinakasti amukïpxänwa.

Lucas 13:14

Ukampis sinagogan jilïripax wal phiñasïna Jesusan sábado urun k'umaraptayatapata, ukat jaqinakar säna: —Suxtüruw irnaqañatakix utji; uka urunakan qullayasir jutapxañamaxa, janiw sábado urunxa —sasa.

Lucas 23:56

Utar kutinisinsti, suma q'apkir qullanak wakiyapxäna, ukatsti kamachin qillqatarjamaw uka warminakax sábado urun samarapxäna.

Lucas 6:2

Fariseonakasti uk uñjasax Jesusaruw jiskt'apxäna: —¿Kunatarak jumanakasti kunatix sábado urun jan lurañäki uk lurapxtasti? —sasa.

Juan 1:19

Jerusalenankir judionakax Juanan ukaruw sacerdotenakampiru levitanakampir khithapxäna, khitïpachasa jupax uk jiskt'ayiri.

Juan 5:11

Uka jaqisti jupanakarux sänwa: —K'umaraptaykitu ukax situwa: “Ikiñam apthapisxam ukat sarnaqam” sasa.

Juan 5:15

K'umaraptat jaqisti sarawayxänwa, ukatsti judionakaruw Jesusan jupar k'umaraptayatapat yatiyäna.

Juan 5:16

Ukat judionakax Jesusar arknaqapxäna, sábado urun ukham luratap layku.

Juan 7:23

Jichhasti walikiwa, jumanakatix Moisesan kamachip jan p'akintañ munas sábado urun wawarux circuncisión katuqayasipkakstaxa, ¿kunatarak nayatak arusipxta sábado urun mä jaqir k'umarachataxatsti?

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,