Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.
Juan 16:21 - Qullan Arunaca Cunapachatejj mä warminjj wawachasiñapajj jac'äjje ucqhajja, wal llaquisi t'akhesiñ horasajj purinitap laycu, ucampis wawajj nasjje ucqhajja, janiw ni t'akhesitaps amtascjjeti, mä wawa aca oraken nacitap laycusti cusisiwa. Aymar Bibliia 1986 Cunapachatejj mä warminjj wawachasiñapajj jac'äjje ucqhajja, wal llaquisi t'akhesiñ horasajj purinitap laycu, ucampis wawajj nasjje ucqhajja, janiw ni t'akhesitaps amtascjjeti, mä wawa aca oraken nacitap laycusti cusisiwa. Qullan Arunaka DC Kunapachatix usur warmix wawachasiski ukkhax wal t'aqhisi; ukampis wawax yurxi uka qhipatsti, uka t'aqhisitapat janiw amtaskxiti, jan ukasti, mä wawa aka uraqir apanitapat wal kusisi. |
Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.
Jan wawachasir warmirojja, wawanacanïcaspas uqham cusisit taycaruw tucuyi, pachpa utapan lurañanac catuyasa. ¡Tatitojj jach'añchatäpan!
wali sustjataw kheparapjjaraquini. Mä jach'a t'akhesiñampi, llaquisiñampiw jupanacarojj jutaraquini, wawachasiri warmjamaw aykoñampi k'ewisipjjaraquini. Jupanaccamaw sustjata uñcatasipjjaraquini, p'enkasiñatsa ajanunacapajj naqharaquiniwa.
Janchejjas qhathatituwa, wawachasir warmin janchipjamaw usuraquitu, chuyma cawcst'añasti janiw ist'ayquituti, ajjsarañasti janiraquiw cunsa uñjayquituti.
“Sión marcajj acatjamatwa wawachasi, janïra parto usunacapan waytcataw wawachasi.
K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.
Jichhasti, ¿cunatrac uqham warartasti parto usumpi k'ewisir warmjama? ¿Janiti reyimajj juman utjcjjejja? ¿Jan ucajj amuyt'irinacamacha jiwarjje ucatch jachta?
Kellkatanjja aqham siwa: “Cusisim jan wawachasir warmi, jumasti janiw wawanïctati; wararim cusisiñata, jumajj janiw parton t'akhesiñjja uñt'ctati. Cawquïri warmitejj jakonucutäqui ucajja juc'ampi wawanacanïniwa chachani warmit sipansa.”
Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.