Miqueas 4:10 - Qullan Arunaca

¹⁰ K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Aymar Bibliia 1986

¹⁰ K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Qullan Arunaka DC

¹⁰ Sión marka, q'iwinaqtam, wararirakim, kunjämtix mä warmix wawachasiñatak wararki ukhama, jaqinakamax jumatxa mistuwayxapxaniwa, ukatsti ch'usa pampanakan jakapxarakini, Babilonia markakamarakiw puripxani. Ukan Tatitux markaparux qhispiyani, uñisirinakapatsa qhispiyarakini.

Miqueas 4:10 Jak'a apnaqawi uñst'ayäwi

2 Reyes 20:18

Uqhamaraquiw jumata sarakeri yakhep jakenacaru Babiloniaru apasjjapjjani, jupanacarojj capsusinwa reyin palacioparu uywatanacat uchapjjani’ —sasa.

2 Reyes 25:4

Ucatsti marcan perkanacapwa p'iysupjjäna, caldeo jakenacan muyuntatäpcchïna ucasa, ucanjamasti marcatjja jaltjjapjjänwa reyimpi, uqhamarac take soldadonacapampi mä aruma. Jupanacasti mistupjjänwa jarc'antatäcäna uca puncunjama pä perka taypinjama, reyinacan jardinanacaparu sarquis ucanjama sarjjasa, ucatjja Jordán valleru sarqui uca thacnamaw sarjjapjjaraquïna.

2 Crónicas 33:11

Ucatwa Tatitojj jupanacataquejj jutayäna asirianquiri reyin ejercitopana jilïrinacaparu, jupanacasti Manasés reyirojj ganchompiw catuntayäna, ucatjja bronceta lurat cadenanacampi ach'antasawa preso Babiloniaru apapjjäna.

2 Crónicas 36:20

Jiwarayañata jilt'irinacjja Babiloniaruwa apayäna, ucansti jupan esclavonacapawa tucupjjäna, uqhamarac wawanacapasa imperio persa tucuñapcama,

2 Crónicas 36:23

“Persianquiri Ciro reyejj aca arunacwa arsu: Alajjpachanquir Tatit Diosawa amparajjaru catuyitu, aca orakenquir take marcanaca, uqhamaraquiwa parlitu Jerusalenana mä templo lurayañataqui, ucasti Judá orakenwa jicjjatasi. Uqhamasti qhitinacatejj jumanacata Tatitun marcapancapjjerïcta ucanacarojja, Tatit Dios yanappan, uqhamarac ucar sarjjaracpan” sasa.

Salmos 106:10

Uqham lurasaw uñisirin amparapat khespiyäna, timasirin amparapat antutnucuyäna.

Isaías 43:14

Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni.

Isaías 45:13

Nayaw Cirorojj uchta atipjañapataqui, take sarnakäwinacapsti sumracwa tucuyä; jupaw marcajj-jja wasitat sayt'ayjje, jaya marcar apayatanacajjarusti khespiyat sarnakasiñ churjjani, jupanacatsti janiraquiw cuna pagsa maycaniti.” Take ch'amani Tatituw uqhamjja arsu.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Jeremías 13:4

“Cawquïri cinturontejj alascta uc catum, ucat Eufrates jawiraru saram, ucaru imantaniraquim, mä karka p'iyaru” sasa.

Jeremías 15:21

Ñankha jakenacan amparapatjja khespiyämawa, ¡Khoru jakenacan amparapatsa khespiyaraquïmawa!”

Jeremías 29:20

Jichhajj arunacajj ist'apjjam, cawquïrinacarutejj Jerusalén marcat Babilonia orakeru apanucupcsma take ucanaca.’

Jeremías 4:31

Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Jeremías 48:41

Marcanacasa, suma sayt'asiña chekanacasa uñisiripan amparaparuw purini. Uca urusti Moab marcan guerrar sarir jakenacapasti partompi wararir warminacjamaw qhathatipjjani.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Oseas 13:13

Israelarojj naciñap horasajj purinjjewa, ucampis mä jan wali wawawa, janiraquiw naciñataquis suma waquicht'asquiti, uqhamat sum naciñapataquejja.

Oseas 2:14

“Nayaw juparojj munäwa: Wasarar irpasin chuymaparuw parljjayä.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Miqueas 5:3

Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Apocalipsis 12:14

Ucampis warmirojj jach'a pacan pä chhekhanacapaw churatäna, uqhamata uca chhekhanacampi wasararu jaltjjañapataqui uca cataritsa jayaru, cawqhantï quimsa mara chicani mank'ayapcani ucqharu.