Isaías 21:3 - Qullan Arunaca

³ Janchejjas qhathatituwa, wawachasir warmin janchipjamaw usuraquitu, chuyma cawcst'añasti janiw ist'ayquituti, ajjsarañasti janiraquiw cunsa uñjayquituti.

Aymar Bibliia 1986

³ Janchejjas qhathatituwa, wawachasir warmin janchipjamaw usuraquitu, chuyma cawcst'añasti janiw ist'ayquituti, ajjsarañasti janiraquiw cunsa uñjayquituti.

Qullan Arunaka DC

³ Janchixas chhijthaptituwa, wawachasir warmin janchipjamaw usurakitu, chuyma kawkst'añasti janiw ist'aykituti, axsarañas janirakiw kunsa uñjaykituti.

Isaías 21:3 Jak'a apnaqawi uñst'ayäwi

Salmos 48:6

ucan ajjsarañajj jupanacar catunti, wawachasiñatac aykosquir warmir uñtata;

Isaías 13:8

wali sustjataw kheparapjjaraquini. Mä jach'a t'akhesiñampi, llaquisiñampiw jupanacarojj jutaraquini, wawachasiri warmjamaw aykoñampi k'ewisipjjaraquini. Jupanaccamaw sustjata uñcatasipjjaraquini, p'enkasiñatsa ajanunacapajj naqharaquiniwa.

Isaías 15:5

Chuymajjasti Moab marcataquejj yanapa mayiraqui; jakenacapasti Zoar uqhamaraqui Eglat-selisiya sisqui uca chekcamaw jaltjjapjje, Luhit sisqui uca amstanjamwa jacht'asisa sarjjapjje, Horonaim sisqui uca thaquinjama t'unjatätap uñjasisasti wal jachapjje.

Isaías 16:11

Chuymajjasti mä arpjamaw qhathati Moab, uqhamaraqui Kir-hareset marcatjamajja.

Isaías 16:9

Ucatwa jachäjja Sibma sisqui uca chekan uva yapunacatjja, uqhamaraqui Jazer chekanquir uva yapunacatsa, Hesbón, uqhamaraqui Eleale sisqui ucanacatsa walpun jachäjja, uca yapunacjjan guerra ojjoñanacajj wal sartatapata.

Isaías 26:17

Juma nayrakatancapjjayätwa, Tatay, cunjämatï mä wawachasiri warmejj ususiñapana q'iwinaktqui wararcaraqui uqhama.

Jeremías 4:19

¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.

Jeremías 48:41

Marcanacasa, suma sayt'asiña chekanacasa uñisiripan amparaparuw purini. Uca urusti Moab marcan guerrar sarir jakenacapasti partompi wararir warminacjamaw qhathatipjjani.

Jeremías 49:22

Bosra marcarusti uñisiripajj cunjämatejj mä siwek'arajj chhekha janatatasa mä jisc'a animalar thokjjatejj uqhamaraquiw thokjjatani. Uca urusti Edom marcanquiri guerrar sarir jakenacasti partompi k'ewisir warminacjamaw qhathatipjjaraquini.”

Jeremías 50:43

Babilonianquiri reyisti ucanac ist'asajja, ajjsarañatsa pachparu jan onjjtquiriw tucuraqui, wal t'akhesiraqui, usuyasiraquiwa parto usuni warmjama.

Jeremías 6:24

Jerusalén marcansti jakenacajj sapjjaraquiwa: “Nanacajj uca yatiyäwjja ist'apjjtwa, ajjsarañasti jan ch'amani antutapjjaraquitu; walpun llaquisipjjta, ajjsarapjjaracta, mä wawachasir warmjama.

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Juan 16:21

Cunapachatejj mä warminjj wawachasiñapajj jac'äjje ucqhajja, wal llaquisi t'akhesiñ horasajj purinitap laycu, ucampis wawajj nasjje ucqhajja, janiw ni t'akhesitaps amtascjjeti, mä wawa aca oraken nacitap laycusti cusisiwa.

Deuteronomio 28:67

Uqham wali ajjsarañanaca uñjatam laycusti willjta alwasti aqham sätawa: ‘Janc'ac arumäjjaspa’ sasa. Ucatsti arumarojj saraquïtawa: ‘Janc'ac uröjjaspa’ sasa.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.