“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.
Juan 14:7 - Qullan Arunaca Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa. Aymar Bibliia 1986 Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa. Qullan Arunaka DC Jumanakatix nayar uñt'apxchistaxa, Awkixar uñt'apxarakïtawa; jumanakax jichhatpach juparux uñt'apxtaxa, jichhas uñjasipkaraktawa —sasa. |
“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.
“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”
Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.
Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.
Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.
Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.
Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.”
Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.
“Cawquïrinactejj acapach taypit ajlliscta nayaru churañataqui, ucanacarojj yatiytwa jumajj qhitïctatejj uca. Jumanquirinacänwa, jumaraquiw churista, juman arunacamsti phokhapjjaraquiwa.
Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.
Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.
Ucatsti jisct'apjjaraquïnwa: —¿Cawquinquis Awquimajja? —sasa. Jesusasti ucjjarojj sänwa: —Jumanacajj janiw nayar uñt'apquistati, ni Awquejjarusa. Nayarutejj uñt'apjjetasmajja, Awquejjarojj uñt'apjjaraquismawa —sasa.
Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.
Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.
Awquinaca, kellkanipjjsmaw jumanacaru, cawquïritejj utjapunïna janïr cunas kalltasquipana ucar uñt'apjjatam laycu. Waynanaca, jumanacarojj kellkanipjjaracsmawa Supayaru atipt'apjjatamata. Wawanaca, jumanacarojj kellkanipjjsmawa alajjpach Awquiru uñt'apjjatamata.