Ucsa tokenacatwa Asurajj mistüna, ucatsti Nínive, Rehobot-ir, Cala uca marcanacwa sayt'ayäna,
Jonás 1:2 - Qullan Arunaca “Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa. Aymar Bibliia 1986 “Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa. Qullan Arunaka DC “Sartam, Nínive jach'a markar saram, ukatsti yatiyanim, ñanqha luratanakapax nayraqataxaruw purini, ukat jupanakar q'al tukjä” sasa. |
Ucsa tokenacatwa Asurajj mistüna, ucatsti Nínive, Rehobot-ir, Cala uca marcanacwa sayt'ayäna,
Ucatsti Asirianquiri Senaquerib reyisti campamentopa apthapisisajja, cutt'awayjjänwa Nínive marcaru.
Ucansti Tatitun mä profetapaw utjäna Oded sata, jupasti ejercitojj Samariaru mantasincäna ucar jicjjatiriw saräna, aqham sasa: —Jumanacan nayra awquinacaman Tatit Diosapaw Judá marcatac colerasi, ucatwa jupanacaru jumanacan amparamaru catuyapjjtam. Ucampis jumanacajj wali colerasiampiwa jupanacarojj jiwayapjjtajja, uca luratanacamasti alajjpachcamawa puri.
aqham sasa: “Nayan Diosajja, Diosajja, nayajj wali p'enkasitätwa, uqhamarac chuymaw chhactaraquitu, janiw cunsa jumarojj oracionan parlquirismati. Nanacan jucha luratanacajjajja sintipuniwa utjapjjetu, alajjpachcamaraquiwa juchanacajjajj purt'araqui.
Ucapachawa Asirianquir Senaquerib reyejj apthapisiwayasin Nínive marcaru cuttjjäna.
Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.
Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.
Jumajj arunacajja jupanacarojj khanañcham, ist'apjjpasa janis ist'apjjpan, jupanacan naya toke sayt'asiri jakenacäpjjatap laycu.
Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.
“Sartam, ucatsti Nínive jach'a marcaru saram, cuntejj siscäma uca arunac yatiyiri” sasa.
Jonasasti sartasinjja Nínive marcaruw saräna, Tatitun aruparjam lurañataqui. Nínive marcasti sinti jach'apunïnwa; quimsa uru sararaquïnwa. Jonasasti marcarojj mantawayänwa, mä uru jornalaraquiw sarnakäna jach'at arnakasisa: “¡Acat pusi tunca ururojj Nínive marcajj k'ala tucjatäniwa!”, sasa.
Ucats juc'ampiw nayan qhuyapayasiñajjajj Nínive marcataquejj utjañapa, uca jach'a marcansti patac pä tuncani waranka, ucats jila jan juchan wawanacamp, walja uywanacamp cunaw utji —sasa.
Ucampis nayarojja Tatitun ajayupaw phokt'itu, ch'amapampi, cheka cancañapampi, uqhamarac jan ajjsarañampi, uqhamat Israel marcaru Dios contra sayt'asitapa, uqhamarac juchapata khanañchañajjataqui.
Aca yatiyäwisti Nínive marcaru apayatawa, Elcosanquir Nahuman unañchäwi uñjatapa libroraquiwa.
¡Chhojjrimataquisti janiraquiw kollajj utjquiti, llagamasti jan kollcañawa! Take qhitinacatejj aynacht'atama ist'apjje ucanacajj cusisiñat amparanacap t'ajjllisipjje, uqhamasti, ¿qhitirus jumajj jan ñankhanac lurtajja?.”
Marca apnakerinacan uqhamarac reyinacan nayrakataparus apapjjaraquïtamwa nayan sutejj laycu, uqhamatwa nayatjja jupanacar parlapjjätajja uqhamarac jan judiöpquis uca jakenac nayrakatansa.
Nínive marcan jaquirinacasti taripäwi urunjja sartanipjjaniwa juchañchañataqui, cunapachatejj Diosajj jichha urunacan jakenacar taripcani ucqhajja juchañchaniwa. Nínive marcanquirinacasti arrepientisipjjänwa cunapachatejj Jonasajj Diosan arunacap parlcäna ucapachajja. Ucampis jichhajj Jonasat sipansa juc'ampi jach'aw acanqui.
Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.
Jucha luratanacapasti walipuniwa, alajjpachcamaraquiw puri. Diosasti take uca jan wali luräwinacapatjja amtasiraquiwa.